«Արարատ-Արմենիայի» ավագ Գուֆրանը դադարեցրել է կարիերան եւ վերադարձել Ֆրանսիա
Երեւանի «Արարատ-Արմենիա» 35-ամյա ֆրանսիացի կիսապաշտպան, թիմի ավագ Յոան Գուֆրանը ժամանակավորապես դադարեցրել է ֆուտբոլային կարիերան եւ վերադարձել է հայրենիք։
«Ափսոսանքով հայտնում ենք, որ մեր թիմի ավագ, կիսապաշտպան Յոան Գուֆրանը ընտանեկան խնդիրների պատճառով ստիպված է եղել վերադառնալ հայրենիք և այս պահի դրությամբ ժամանակավորապես կասեցնել իր ֆուտբոլային գործունեությունը։
Մեր ակումբը անչափ շնորհակալ է հանրաճանաչ ֆուտբոլիստից՝ մեր հրավերը ընդունելու և մեր ընտանիքի մասնիկը դառնալու համար։ Գուֆրանը պրոֆեսիոնալիզմով, նվիրումով և անհատական բացառիկ հատկանիշներով օժտված ֆուտբոլիստ է, ով իր ամենօրյա աշխատանքով հիանալի օրինակ էր ծառայում հատկապես ակումբի երիտասարդ ֆուտբոլիստների համար։
Մեր ակումբի կազմում Գուֆրանը մասնակցել է 50 հանդիպման դառնալով 2 գոլի և 1 գոլային փոխանցման հեղինակ, դարձել Հայաստանի չեմպիոն։ «Արարատ-Արմենիայի» դռները միշտ բաց կլինեն քեզ համար։ Մենք քեզ հետ ենք, ավա՛գ»,- նշվում է ակումբի հաղորդագրությունում։
«Արարատ Արմենիան» այս տարվա հունիսին էր երկարաձգել պայմանագիրը Գուֆրանի հետ մինչեւ 2022թ․ հունիսի 30-ը։ Յոան Գուֆրանը հանդես է եկել ֆրանսիական «Կանի», «Բորդոյի», անգլիական «Նյուքասլի» կազմում։ «Արարատ-Արմենիային» նա միացել էր 2020թ. փետրվարի 1-ին ազատ գործակալի կարգավիճակում։
Յոան Գուֆրանը «Բորդոյի» կազմում դարձել է Ֆրանսիայի չեմպիոն, գավաթակիր և կրկնակի սուպերգավաթակիր:


















































Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել