Իլհամ Ալիևի ընտանիքը մեղադրվում է սեփական երկիրը թալանելու մեջ. Նրանք առնչություն են ունեցել Մեծ Բրիտանիայում ավելի քան կես միլիարդ դոլար արժողությամբ անշարժ գույքի հետ

BBC-ն հոդված է հրապարակել «Պանդորայի» փաստաթղթերի մասին, որտեղ առանձնահատում տեղ է հատկացվել Ալիեւների կոռումպացված լինելու փաստերին:

Տվյալների զանգվածային արտահոսքը, որը հայտնի է որպես Պանդորայի փաստաթղթեր, ցույց է տալիս, որ աշխարհի առաջնորդներն ու հարուստ մարդիկ գաղտնի գնել են էլիտար անշարժ գույք, որպեսզի թաքցնեն իրենց հարստությունը:

«Ըստ Պանդորի փաստաթղթերի՝ Ալիևն ու նրա ընտանիքը թալանել են Ադրբեջանի հարստությունը։

Մի փաստաթղթի համաձայն՝ նա եւ նրա մերձավորները Մեծ Բրիտանիայում 400 մլն ֆունտ ստեռլինգ արժողությամբ բազմաթիվ գործարքներ են կնքել, որը հավասարազոր է 540 մլն դոլարի:

Բացահայտումներից մյուսի համաձայն, որը բրիտանական կառավարությանը կարող էր անհարմար վիճակի մեջ դնել, Ալիեւը 31 միլիոն դոլարի մաքուր շահույթ է ստացել՝ վաճառելով սեփականությունը։

Իլհամ Ալիևի որդին՝ Հեյդարը, սովորում էր տարրական դպրոցում, երբ դարձավ առաջին օֆշորային ընկերության սեփականատերը։ Նրա դուստրը՝ Արզուն, 19 տարեկանում դարձել է Strahan Holding and Finance Corp օֆշորային ընկերության բաժնետերը շվեյցարական բանկում. Ընկերությունը հինգ միլիոն ֆունտ ստեռլինգով Անշարժ գույք է ձեռք բերել Լոնդոնում:

Բացի այդ, «Պանդորայի ֆայլերը» ցույց են տալիս, որ օֆշորային ընկերության միջոցով, որը Արզու Ալիեւան բացել է 19 տարեկանում՝ նա ունեցել է AAC շինարարական նյութերի գործարանի բաժնեմաս, որը մասամբ բացել է պետությունից 10 մլն մանաթի (12,8 մլն դոլար) չափով վարկերի շնորհիվ: Գործարանը շինանյութ էր արտադրում պետական խոշոր օբյեկտների համար։ 2012 թվականին նրան էր պատկանում գործարանի բաժնետոմսերի 39 տոկոսը։