Իսպանիայի հավաքականի՝ 28 տարի առաջ սկսված անպարտելի շարքն ավարտվեց

Իսպանիայի հավաքականի անպարտելի շարքը ֆուտբոլի աշխարհի առաջնության ընտրական մրցաշարում չի շարունակվել 67-րդ խաղում:

ԱԱ-2022-ի ընտրական փուլի եվրոպական գոտու մրցաշարի չորրորդ տուրում իսպանացիները 1:2 հաշվով պարտվել են Շվեդիայի հավաքականին: Նախորդ անգամ Իսպանիայի հավաքականն աշխարհի առաջնության ընտրական մրցաշարում պարտվել էր 1993-ի մարտի 31-ին տեղի ունեցած խաղում, որտեղ մրցակիցը Դանիայի հավաքականն էր (0:1), հայտնում է Opta-ն:

4 խաղից հետո Լուիս Էնրիկեի գլխավորած թիմը 7 միավորով երկրորդն է B խմբում: Խմբի առաջատար Շվեդիայի հավաքականը 3 խաղից հետո ունի 9 միավոր: