Թուրքիան նշել է Հայաստանի հետ հարաբերությունների կարգավորման պայմանները
Թուրքիայի նախագահ Ռեջեփ Թայիփ Էրդողանը հայտարարել է, որ Անկարան կարող է սկսել աշխատանքը Հայաստանի հետ հարաբերություններն աստիճանաբար կարգավորելու ուղղությամբ, եթե Երեւանը հրաժարվի միակողմանի մեղադրանքների քաղաքականությունից, հաղորդում է Anadolu-ն:
Թուրքիայի առաջնորդը մեկնաբանել է Հայաստանի վարչապետ Նիկոլ Փաշինյանի հայտարարությունները, որ Երեւանը ստացել է որոշակի դրական ազդանշաններ Թուրքիայից տարածաշրջանում խաղաղություն հաստատելու մասին եւ պատրաստ է գնահատել դրանք:
«Տարածաշրջանն ունի նոր, կառուցողական մոտեցումների կարիքը: Չնայած կարծիքների եւ ակնկալիքների տարբերություններին՝ պատասխանատվության դրսեւորում կլիներ անկեղծ ջանքեր գործադրել բարիդրացիական հարաբերություններ զարգացնելու մասին վստահության հիման վրա»,-ասել է Էրդողանը՝ նշելով, որ խոսքը վերաբերում է, այդ թվում, տարածքային ամբողջության եւ ինքնիշխանության փոխադարձ հարգանքին:
«Նորագույն պատմությունը չպետք է լինի թշնամանքի պատմաբան, անհրաժեշտ է ձեռնարկել կառուցողական քայլեր ամուր խաղաղություն եւ համատեղ կեցություն ապահովելու համար»,-նշել է նախագահը՝ հավելելով, որ առաջին հերթին միակողմանի մեղադրանքների փոխարեն պետք է տեղ գտնեն իրատեսական մոտեցումները:
«Եթե Երեւանը շարժվի այդ ուղղությամբ, Անկարան կարող է սկսել աշխատել Հայաստանի հետ հարաբերություններն աստիճանաբար կարգավորելու շուրջ: Ժամանակն է մշտական դարձնել խաղաղությունն ու կայությունն ու ստեղծել պայմաններ տնտեսական զարգացման ու տարածաշրջանային համագործակցության համար»,-հայտարարել է Թուրքիայի առաջնորդը:
Էրդողանը նաեւ հավելել է, որ ելնելով համանման նկրտումներից, որ Ադրբեջանը նույնպես առաջարկել է սկսել բանակցություններ Հայաստանի հետ համապարփակ խաղաղ համաձայնագրի մասին:
«Ամբողջ տարածաշրջանը միավորելու շնորհիվ, ինչպես դա համաձայնեցված է 2020 թվականի նոյեմբերի 9-ի հայտարարության մեջ, ի հայտ կգան նոր հնարավորություններ Հարավային Կովկասում փոփոխությունների համար: Թուրքիան պատրաստ է աշխատել բոլոր կողմերի հետ, որոնք ցանկանում են արդյունավետորեն օգտագործել այդ պատմական հնարավորությունը»,-շարունակել է նա:
Էրդոնանը հիշեցրել է Անկարայի առաջարկի մասին Կովկասում Թուրքիայի, Ադրբեջանի, Ռուսաստանի, Իրանի եւ Հայաստանի մասնակցությամբ հարթակ ստեղծելու մասին:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...