«Յուվենտուսը» ցանկանում է Ռոնալդուին փոխանակել ՊՍԺ–ի հարձակվողի հետ

Իտալական «Յուվենտուսը» ցանկանում է 36–ամյա պորտուգալացի հարձակվող Կրիշտիանու Ռոնալդուին այս ամռանը փոխանակել ֆրանսիական ՊՍԺ–ի28–ամյա արգենտինացի հարձակվող Մաուրո Իկարդիի հետ, հաղորդում է ֆրանսիական L'Equipe–ը։

Ռոնալդուի պայմանագիրը թուրինյան ակումբի հետ նախատեսված է մինչեւ 2022թ. հունիսի 30–ը։ Նա պատրաստ է մինչեւ պայմանագրի ավարտը մնալ «Յուվենտուսում»։

Ռոնալդուն անցած մրցաշրջանում «Յուվենտուսի» հետ բոլոր մրցաշարերում մասնակցել է 44 հանդիպման, խփել 36 գոլ։

Իկարդին անցած ամռանն է Միլանի «Ինտերից» տեղափոխվել ՊՍԺ–ի, որի հետ մասնակցել է 28 հանդիպման, խփել 13 գոլ։