Էրդողանը քննադատել է աշխատավայրում հիջաբների վերաբերյալ ԵՄ դատարանի որոշումը

Թուրքիայի նախագահ Թայիփ Էրդողանն անարդար է անվանել Եվրամիության դատարանի որոշումը այն բանից հետո, երբ նա վճռել է արգելել աշխատավայրում հիջաբ կրելը, հաղորդում է «ՌԻԱ Նովոստին»:

«Մեր դիրքորոշումը հստակ է, եւ մեր գործընկերներն այս կապակցությամբ արդեն լավ հայտարարություն են արել: Այդ որոշումը ոտնահարում է մահմեդականների իրավունքները, ովքեր նման գլխաշոր են կրում՝ իրենց կրոնին համապատասխան: Այդ որոշման մեջ արդարությանը մոտ ոչինչ չկա: Թող նախ նրանք սովորեն, թե ինչ է դավանանքի ազատությունը»,- Ստամբուլում լրագրողներին ասել է Էրդողանը:

Անցյալ շաբաթ Եվրամիության դատարանը քննել է Գերմանիայի երկու քաղաքացուհիների հայցերը, ովքեր դիմել են գերմանական դատարաններ իրենց գործատուների դեմ բողոքներով: Նա արդարացված է համարել աշխատավայրում հիջաբ, ինչպես նաեւ աշխատողի կրոնական, քաղաքական կամ փիլիսոփայական պատկանելությունը նշող ցանկացած այլ արտաքին խորհրդանիշ կրելն արգելելը: Թուրքիայի արտգործնախարարությունը դատապարտել է այս որոշումը՝ այն անվանելով իսլամաֆոբիայի եւ մահմեդականների նկատմամբ անհանդուրժողականության դրսեւորում: