Ցանկացած պահի պետք է պատրաստ լինենք պատերազմի. Ալիև
Ադրբեջանի նախագահ Ալիեւը հայտարարել է, թե հայ-ադրբեջանական, Լեռնային Ղարաբաղի հակամարտությունը հանգուցալուծվել է։ Ադրբեջանական Haqqin.az-ի փոխանցմամբ, Իլհամ Ալիևը այս մասին հայտարարել է շեհիդներին և հաշմանդամներին բնակարանների եւ ավտոմեքենաների հանձնման հանդիսավոր արարողության ժամանակ։
Ալևի խոսքով՝ հակամարտությունը լուծել են միակողմանի կարգով։
«Եթե ինչ-որ մեկը, իսկ ինձ են հասնում խոսակցություններ, նորից կսկսի ասել, որ հարցը պետք է լուծվի, կամ որ այդ հակամարտությունը դեռ լուծված չէ, ապա դա նշանակում է, որ դրանք սխալ ու վտանգավոր ճանապարհի վրա են։ Իսկ եթե այդ հարցը լուծված չէ, թող մեզ բացատրեն, թե ինչպես դա պետք է լուծվի։ Մենք կարծում ենք, որ պատերազմի ժամանակահատվածն արդեն անցյալում է։ Չնայած դրան, մենք ցանկացած պահի պատրաստ ենք և պետք է պատրաստ լինենք պատերազմի»։
Ալիևը հիշեցրել է, որ հունիսի 26-ին ՝ Ադրբեջանի զինված ուժերի օրը ևս այս մասին հայտարարել է։ Ադրբեջանի ղեկավարը հայտնել է, թե բանակի հետ կապված նոր ծրագրեր են իրականացնում։ Բայց միևնույն ժամանակ, դիրքորոշումն այն է, որ հակամարտությունը լուծված է, և վերականգնել են իրենց տարածքային ամբողջականությունը։ Ալիևը հավելել է, որ իրենց օրակարգում դրված որևէ այլ հարց չունեն։
«Մենք դուրս եկանք մեր սահմաններից, վերահսկողության տակ վերցրեցինք հայ-ադրբեջանական սահմանը և սկսեցինք շինարարական աշխատանքները։ Եթե ինչ որ մեկն ասի, թե հարցը լուծված չէ, ապա ինչպե՞ս է նա տեսնում հարցի լուծումը։ Ի՞նչը որոշված չէ։ Եթե խոսքը գնում է Լեռնային Ղարաբաղի կարգավիճակի մասին, ապա ես արդեն ասել եմ, որ Ադրբեջանի տարածքում Լեռնային Ղարաբաղ կոչվող տարածքային միավոր չկա։ Այս արտահայտությունը այլեւս չի կարող օգտագործվել: Չկա Լեռնային Ղարաբաղ, կա Ղարաբաղ»։
Ալիևը հիշեցրել է, որ հուլիսի 7-ին ստորագրել է հրամանագիր, որով ստեղծվել է Ղարաբաղյան տնտեսական գոտի։ Ադրբեջանի նախագահը նշել է նաև, որ պատրաստ են Հայաստանի հետ խաղաղության պայմանագիր ստորագրել, սկսել նման աշխատանքներ, բայց Հայաստանի կողմից պաշտոնական արձագանք չեն ստացել։
«Ոչ պաշտոնական կապուղիներով մենք տեղեկություններ ենք ստանում, որ Հայաստանը պատրաստ չէ դրան: Կարծում եմ, որ դա մեծ սխալ կլինի նրանց համար»,- ասել է Ալիևը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
54-ամյա Քրիստինա Օրբակայտեն լողազգեստով ցուցադրել է կազմվածքը
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...