Հայ մրցավարները կսպասարկեն Չեմպիոնների լիգայի հանդիպումներ

Հուլիսի 13-ին Մոլդովայի Տիրասպոլ քաղաքում, կկայանա Չեմպիոնների լիգայի որակավորման առաջին փուլի «Շերիֆ» (Մոլդովա) - «Տեուտա» (Ալբանիա) պատասխան հանդիպումը։ ՀՖՖ տեսուչ Կարեն Նալբանդյանը նշանակվել է հանդիպման մրցավարների տեսուչ, հաղորդում է ՀՖՖ–ի մամուլի ծառայությունը։

Հուլիսի 13-ին Իսլանդիայի մայրաքաղաք Ռեյկյավիկում կանցկացվի Չեմպիոնների լիգայի որակավորման առաջին փուլի «Վալուր» (Իսլանդիա) - «Դինամո Զագրեբ» (Խորվաթիա) պատասխան հանդիպումը։

Այն կսպասարկի հայ մրցավարների անձնակազմը Զավեն Հովհաննիսյանի գլխավորությամբ։ Նրան կօգնեն Ատոմ Սևգուլյանն ու Մեսրոպ Ղազարյանը։ Չորրորդ պաշտոնյան է Հենրիկ Նալբանդյանը։