Անգլիայի հավաքականը Եվրոպայի առաջնությունում կխաղա ամենաերիտասարդ կազմով

Եվրո-2020-ում Անգլիայի հավաքականի ֆուտբոլիստների միջին տարիքը կկազմի 25 տարեկան, 117 օրական։ Դա անգլիացիների ամենաերիտասարդ կազմն է Եվրոպայի առաջնությունների պատմության մեջ, տեղեկացնում է Opta-ն։

Այդ ցուցանիշով Անգլիայի հավաքականը նախորդ ռեկորդը սահմանել էր Եվրո-2016-ում, որտեղ խաղացողների միջին տարիքը կազմում է 25 տարեկան, 310 օրական։

Բացի այդ, այս կազմն անգլիացիների համար երկրորդ ամենաերիտասարդն է միջազգային մրցաշարերի պատմության մեջ։ Ավելի երիտասարդ կազմ Անգլիայի հավաքականն ունեցել է միայն 1958թ. Շվեդիայում անցկացված աշխարհի առաջնությունում (25 տարեկան,109 օրական)։

Հիշեցնենք, որ հունիսի 11-ից հուլիսի 11-ը կայանալիք Եվրո-2020-ի խմբային փուլում Անգլիայի հավաքականը կմրցի Խորվաթիայի, Շոտլանդիայի ու Չեխիայի հավաքականների հետ։