Ադրբեջանի կողմից գերեվարված լիբանանահայ Վիգեն Էուլջեկջյանը հոսպիտալացվել է
Նոյեմբերի 10-ին Շուշիի մերձակայքում ադրբեջանական զորքերի կողմից գերեվարված լիբանանահայ Վիգեն Էուլջեկջյանը հոսպիտալացվել է: Այս մասին Asbarez-ին տեղեկացրել են նրա 18-ամյա դուստրը` Քրիստինան եւ մայրը` Բեատրիսը: Նրանք պատմել են Վիգենի հետ իրենց վերջին հեռախոսային խոսակցության մասին, երբ նրան բանտից տեղափոխում էին հիվանդանոց:
Վերջին վեց ամիսների ընթացքում Քրիստինան ստիպված է եղել արագ մեծանալ: Նա խոսում է հանգիստ ու հասուն եւ դարձել է հայ ընտանիքի ձայնը, որը փափագում է վերադարձնել որդուն, եղբորը ու հորը, որի միակ հանցանքը Հայաստանում ավելի լավ ապագայի երազանքներն էին, գրում է թերթը:
Այս երազանքները փշրվեցին, երբ Ադրբեջանը անսպասելի պատերազմ սկսեց Արցախի դեմ: Չիմանալով, որ քաղաքն արդեն գրավված է, հրադադարի մասին համաձայնագրի հաջորդ օրը Վիգենը Շուշիի մոտ գերեվարվել էր: 2020-ի նոյեմբերի 10-ին նա, Մարալ Նաջարյանի հետ միասին, գնացել էր Շուշի՝ նախքան քաղաքը Ադրբեջանին հանձնելը իրերը հյուրանոցից վերցնելու: Նրանց կանգնեցրել էին ադրբեջանական զորքերը եւ ավտոբուսով տեղափոխվել Բաքու` բազմաթիվ այլ հայ գերիների, քաղաքացիական անձանց եւ զինվորների հետ միասին: Մարալ Նաջարյանը ազատ էր արձակվել 2021 թվականի մարտին, իսկ Վիգենը շարունակում է մնալ գերության մեջ, որտեղ նրա դեմ քրեական գործ է հարուցվել Ադրբեջանի կողմից:
Միջազգային Կարմիր խաչի ներկայացուցիչներին միայն 2021 թվականի փետրվարին էր թույլատրվել բանտում այցելել Վիգենին: ԿԽՄԿ-ն նպաստել է նրա եւ Բեյրութում նրա ընտանիքի պարբերաբար հաղորդակցությանը, նամակների փոխանակմանը: Ապրիլին Վիգենին հինգ ամսվա ընթացքում առաջին անգամ թույլատրել են զանգել ընտանիքին: Նա նրանց ասել է, որ իրեն լավ են վերաբերվում, եւ որ իր փաստաթղթերը կվերանայվեն երեք ամսից իրեն ազատ արձակելու համար։
Այս հույսերը կրկին փլուզվել են, երբ մայիսի 5-ին, դրանից մի քանի շաբաթ անց, Ադրբեջանի պետական անվտանգության ծառայությունը հայտարարել է, որ Վիգեն Էուլջեկջյանի հետաքննությունն ավարտված է եւ նրա գործը ուղարկվել է դատարան: Նրան մեղադրում են «ահաբեկչության», «որպես վարձկան ռազմական հակամարտությանը մասնակցելու» եւ «ադրբեջանական սահմանն ապօրինի հատելու» մեջ:
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Էլեն Բադալյանն ու ֆուտբոլիստ Հրանտ Ռանոսը նշանադրվել են
Կամ պայմանավորվում ենք՝ երբ ենք ստորագրում, կամ չենք պայմանավորվում․ Միրզոյանը՝ խաղաղության համաձայն...
Հունվարի 1-ի բոլոր կարեւոր լուրերը
Ամերիկյան կողմի հետ շատ ինտեսիվ աշխատում ենք և 2026թ. երկրորդ կեսին գետնի վրա կունենանք շինարարությո...
Մենք հիանալի հանդիպում ունեցանք․ մենք մոտ ենք, գուցե նույնիսկ շատ մոտ․ Թրամփ
Շատ արդյունավետ հեռախոսազրույց ունեցա Պուտինի հետ. Թրամփ
Երբ տեղի կունենա հեռուստաաշտարակի գեղազարդ լուսավորման նոր համակարգի բացման արարողությունը
Մեր հարաբերությունների խորացումը ԵՄ–ի հետ նպատակ չունի խզել կապերը Ռուսաստանի հետ
Գլխացավեր, ճնշման բարձրացում․ դեկտեմբերի 29-31-ին սպասվու՞մ են մագնիսական փոթորիկներ, ովքե՞ր պետք է ...