Ո՞վ է կանգնած Աջափնյակի սպանության ետեւում

Երեկ Երևանում տեղի ունեցած աղմկահարույց կրակոցներից ու սպանությունից հետո տեղեկություն տարածվեց, թե իբր վեճը ծագել է ինչ որ կնոջ պատճառով։ Շրջանառվող հավաստի տեղեկությունների համաձայն, այս տեղեկությունը չի համապատասխանում իրականությանը։ Վեճը ծագել է կենցաղային դատարկ վեճի պատճառով, որը սկիզբ է առել մոտ երկու ամիս առաջ, ապա դադարեցվել, իսկ հետո նորից վերակենդանացվել։ Կենցաղային վեճը կարճ ժամանակում սրվել է և վերածվել հրաձգության, որի հետևանքով կա զոհ: Սկզբում միմյանց դանակահարել են, հետո գործի են դրել ավտոմատներ:

Տեղեկություններ էին շրջանառվում, թե դեպքը կարող է կապ ունենալ Ֆազի ընտանիքի հետ, սակայն մեր աղբյուրները պնդում են, որ դա չի համապատասխանում իրականությանը։

Երեկ Աջափնյակ վարչական շրջանում տեղի ունեցած դեպքի առթիվ Երևան քաղաքի քննչական վարչությունում նախաձեռնվել է քրեական վարույթ՝ Քրեական օրենսգրքի 44-155-րդ հոդվածի 2-րդ մասի 7-րդ և 8-րդ կետերի (սպանության փորձը), 155-րդ հոդվածի (սպանությունը), 297-րդ հոդվածի 3-րդ մասի (խուլիգանությունը) և 335-րդ հոդվածի 1-ին մասի (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) հատկանիշներով:

Ավելացնենք, որ սպանվողը ռեստորանային հայտնի երգիչ էր, ով մոտ էր հակամարտող երկու կողմերի հետ էլ եւ սպանվել է պատահաբար։ 

Top-News.am

Այս թեմայով Կրակոցներից տուժածների վիճակը բավական ծանր է. նախարար Հիվանդների վիճակը գնահատվում է միջին ծանրության Աջափնյակում տեղի ունեցած դեպքի առթիվ նախաձեռնվել է քրեական վարույթ Կրակոցներ Աջափնյակում. մեկ մարդ զոհվել է, կան վիրավորներ