Նախկինում իր մարզային այցերը ուղիղ հեռարձակող Փաշինյանը Սյունիք այցից ընդամենը 41 վայրկյանանոց տեսանյութ է հրապարակել

Նիկոլ Փաշինյանի՝ Սյունիքի մարզ տապալված այցի վերաբերյալ ամբողջ օրը լռելուց հետո կառավարությունը 41 վայրկյան տևողությամբ տեսանյութ է տեղադրել յություբյան էջում, որում մի քանի կապանցիներ ողջունում են Փաշինյանին, դպրոցահասակ մի աղջիկ էլ նրա հետ լուսանկարվում է։

Վարչապետի մամուլի խոսնակ Մանե Գևորգյանը տարածել է այդ տեսանյութը և գրել. «Իսկ Ագարակում եւ Մեղրիում տեղի ունեցածը հայտնի շրջանակների կողմից կազմակերպված գործողություններ են եւ որեւէ կապ չունեն բուն ագարակցիների ու մեղրեցիների հետ»:

Նշենք, որ առավոտից լրատվամիջոցները լայնորեն լուսաբանում են Փաշինյանի տապալված այցը Սյունիք, որտեղ բնակիչները նրան դիմավորում են հայհոյանքներով ու վիրավորանքներով։ Ուշագրավ է, որ նախկինում իր մարզային այցերը լայվ միացումներով ծայրից ծայր հեռարձակող Փաշինյանն ընդամենը 41 վայրկյան տևողությամբ՝ իր համար նախընտրելի կադրեր է կարողացել ստանալ Ագարակ, Մեղրի, Կապան և Քաջարան այցերից։