Վերջին հայը մեռնելուց առաջ ցինիկի ժպիտի արանքից կլսի իր ականջը շոյող մշտական խոսքեր․ «սիրում էի քեզ, հպարտանում էի քեզանով և խոնարհվելու եմ հիշատակիդ առջև»
Վերջին հայը հույսն աչքերին, մեռնելուց առաջ ցինիկի ժպիտի արանքից կլսի իր ականջը շոյող մշտական խոսքեր․ «սիրում էի քեզ, հպարտանում էի քեզանով և խոնարհվելու եմ հիշատակիդ առջև»։ Այս մասին ֆեյսբուքյան իր էջում գրել է ՍԴ աշխատակազմի նախկին ղեկավար Էդգար Ղազարյանը:
«Տնտեսությունն արդեն իսկ ծանր վիճակի հասցրած, իսկ առաջիկայում սպասվող վերջնական կործանումից, դրամի անվերահսկելի արժեզրկումից, քաղաքացիներին միլիարդավոր դոլարների վնասներ տալուց, տասնյակ հազարավոր գործարարների սնանկացնելուց, հազարավոր աշխատատեղեր փակելուց, մարդկանց խնայողությունները փոշիացնելուց, արտաքին պարտքն էլ ավելի մեծացնելուց, մի քանի ամսվա աշխատավարձերը չվճարելուց հետո, հայտնի ծաղրածուն կվերցնի իր սև բարձրախոսն ու հյուրախաղերով կշրջի ավիրված գյուղերով, կկանգնի դպրոցահասակ երեխաների ու մի քանի աղանդավոր կանանց առջև ու կասի, որ տնտեսական, հարկաբյուջետային և դրամավարկային քաղաքականությանը վերաբերող որոշումները կայացրել ու իրականացրել են մագիստրոսի կոչում ունեցող փորձառու ու անփորձ փոխվարչապետները, գիտությունների թեկնածուի կոչումներ ունեցող նախարարներն ու փոխնախարարները, Կենտրոնական բանկի նախագահն ու փոխնախագահները, ԱԺ պատգամավորները և այլն։ Ինքը պարզապես եղել է մի քննարկման մոդերատոր։
Բոլոր որոշումները կայացվել են նրանց կողմից։ Կգտնվի մի «տնտեսագետ» նախկին պաշտոնյա, որ դա կվկայի ու կպահանջի իրավապահ մարմիններից հետաքննություն սկսել այս դահլիճում նստած բոլոր մադկանց ձերբակալելու և բանտ նստեցնելու համար՝ միայն մեկ հոգու իշխանությունը երկարաձգելու և մինչև վերջին հայը բոլորին կործանելու և ոչնչացնելու համար։
Վերջին հայը հույսն աչքերին, մեռնելուց առաջ ցինիկի ժպիտի արանքից կլսի իր ականջը շոյող մշտական խոսքեր․ «սիրում էի քեզ, հպարտանում էի քեզանով և խոնարհվելու եմ հիշատակիդ առջև»»,- գրել է նա:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Մայր Աթոռի հայտարարությունը
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Հայտնի է երկրի ամենախիտ բնակեցված քաղաքը
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
54-ամյա Քրիստինա Օրբակայտեն լողազգեստով ցուցադրել է կազմվածքը