ԱԱ-2022. Երկրորդ տուրի հանդիպումների արդյունքները եւ բոլոր գոլերը (տեսանյութ)

Ավարտվեց ֆուտբոլի աշխարհի առաջնության եվրոպական գոտու ընտրական մրցաշարի երկրորդ տուրը։

Հայաստանի հավաքականի հետ J խմբում ընդգրկված Գերմանիայի հավաքականը հյուրընկալվեց ռումինացիներին եւ հաղթանակ տարավ 1։0 հաշվով։ Աչքի ընկավ հարձակվող Սերժ Գնաբրին։

Գերմանիայի հավաքականը 6 միավորով հավասարվեց Հայաստանի հավաքականին եւ գոլերի տարբերությամբ առաջին տեղում է։ Հայաստանը Լիխտենշտեյնի եւ Իսլանդիայի թիմերի նկատմամբ հաղթանակներից հետո երկրորդն է։ Ռումինիան չորրորդն է՝ 3 միավոր։ Նույնքան միավոր ունի երրորդ տեղում ընթացող Հյուսիսային Մակեդոնիան, որը տանը 5։0 հաշվով հաղթեց Լիխտենշտեյնի թիմին։

B խմբում Շվեդիայի հավաքականը 3։0 հաշվով պարտության մատնեց Կոսովոյի թիմին եւ 6 միավորով խմբի առաջատարն է։ Երկրորդ տեղում ընթացող Իսպանիան ունի 4 միավոր։

C խմբում 6-ական միավոր են վաստակել Շվեյցարիան ու Իտալիան։ Երկրորդ տուրում իտալացիները դրսում 2։0 հաշվով հաղթանակ տարան բուլղարացիների նկատմամբ։ Շվեդիան 2։0 հաշվով ուժեղ էր Կոսովոյի թիմից։

D խմբում Ուկրաինայի հավաքականը 1։1 հաշվով խաղաց Ֆինլանդիայի հետ։ Երկու թիմերն էլ վաստակել են 2 միավոր եւ երկրորդ-երրորդ տեղերում են։ Առաջատար Ֆրանսիան ունի 4 միավոր։

F խմբում Ավստրիայի թիմը տանը մրցեց Ֆարերյան կղզիների ֆուտբոլիստների հետ, առավելության հասավ 3։1 հաշվով եւ 4 միավորով երկրորդ տեղում է։ Առաջատարը Դանիան է՝ 6 միավոր։

I խմբում Լեհաստանի թիմը 3։0 հաշվով պարտության մատնեց Անդորրային եւ 4 միավորով երկրորդն է։ Նույնքան միավոր է վաստակել երրորդ տեղում ընթացող Հունգարիան, որը 3։0 հաշվով հաղթեց Սան Մարինոյի թիմին։

ԱԱ-2022, ընտրական մրցաշար, երկրորդ տուր

B խումբ

Կոսովո - Շվեդիա՝ 0։3 

Լյուդվիգ Աուգուստինսոն, 12, Ալեքսանդր Իսակ, 35, Սեբաստիան Լարսոն, 70, 11մ

Վրաստան - Իսպանիա՝ 1։2 

Խվիչա Կվարացխելիա, 43 - Ֆերան Տորես, 56, Դանիել Օլմո, 90+2

Հեռացում՝ Լեւան Շենգելիա (Վրաստան), 90+4

 C խումբ

Բուլղարիա - Իտալիա՝ 0։2 

Անդրեա Բելոտի, 43, 11մ, Մանուել Լոկատելի, 82

Շվեյցարիա - Լիտվա՝ 1։0

Շերդան Շաքիրի, 2

D խումբ

Ուկրաինա - Ֆինլանդիա՝ 1։1

Ժունիոր Մորաես, 80 - Տեեմու Պուկի, 89, 11մ

Հեռացում՝ Վիտալի Միկոլենկո (Ուկրաինա), 88

Ղազախստան - Ֆրանսիա՝ 0։2

Ուսման Դեմբելե, 19, Սերգեյ Մալիյ, 44, ինքնագոլ

Չիրացրած 11մ՝ Կիլիան Մբապե (Ֆրանսիա), 75

F խումբ

Ավստրիա - Ֆարերյան կղզիներ՝ 3։1

Ալեքսանդր Դրագովիչ, 30, Կրիստոֆ Բաումգարտներ, 37, Սաշա Կալայջիչ, 44 - Ռագնար Նատեստադ, 19

Իսրայել - Շոտլանդիա՝ 1։1

Դոր Պերեց, 44 - Ռայան Ֆրեյզեր, 56

Դանիա - Մոլդովա՝ 8։0 (տեսանյութ)

Կասպեր Դոլբերգ, 19, 11մ, 48, Միկել Դամսգոր, 21, 29, Իենս Լարսեն, 35, Ռոբերտ Սկով, 81, Մարկուս Ինգվարտսեն, 89

I խումբ

Լեհաստան - Անդորրա՝ 3։0

Ռոբերտ Լեւանդովսկի, 30, 55, Կարոլ Սվիդերսկի, 88

Սան Մարինո - Հունգարիա՝ 0։3

Ադամ Սալաի, 13, 11մ, Ռոլանդ Շալաի, 71, Նեմանյա Նիկոլիչ, 88

Ալբանիա - Անգլիա՝ 0։2 (տեսանյութ)

Հարի Քեյն, 38, Մեյսոն Մաունթ, 63

J խումբ

Ռումինիա - Գերմանիա՝ 0։1 (տեսանյութ)

Սերժ Գնաբրի, 16

Հյուսիսային Մակեդոնիա - Լիխտենշտեյն՝ 5։0

Էնիս Բարդի, 7, Ալեքսանդր Տրայկովսկի, 51, 54, Էլիֆ Էլմաս, 62, Իլյա Նեստորովսկի, 82, 11մ

Հայաստան - Իսլանդիա՝ 2։0 (տեսանյութ)

Տիգրան Բարսեղյան, 53, Խորեն Բայրամյան, 74