«Հայաստանը դարձել է մի մեծ շուկա, որտեղ միայն առեւտուրն է աշխատում». Միքայել Ոսկանյան
Երաժիշտ Միքայել Ոսկանյանը նոր գրառում է կատարել՝ նշելով, որ Հայաստանում այսօր հայկական մշակույթ գրեթե չկա, չի ստեղծվում։
«Այսօր Հայաստանում հայկական մշակույթ գրեթե չկա, չի ստեղծվում...պետք չէ ոչ մեկին...անգամ հայալեզու բովանդակությամբ բան ես առաջարկում` խույս են տալիս: Սիրուն հայերենը ծաղրում են, հայկական մշակույթը դրել են «նավթալին» արկղի մեջ ու համարում են ոչ թռենդային, հնացած...
Կա՛մ եվրոպական մշակույթն է հարգի (որը քիչ թե շատ որակյալ է, բայց մեկ է մերը չէ, կրկնօրինակում է), կա՛մ արաբաթրքական անհասկանալի միախառնումն է, ու մեծ գումարների աղբյուրն է...
Ցավում եմ, որ հասել ենք այն կետին, երբ հային հայկական մշակույթը այդքան վանում է, որովհետեւ ծանոթ չէ, չգիտի...
Երբեւէ այսքան մտատանջված ու հուսալքված չեմ զգացել ինձ...
Հայաստանը դարձել է մի մեծ շուկա, որտեղ միայն առեւտուրն է աշխատում, միայն ու գնալով ավելի ակնհայտ է դառնում, որ 100 տարի առաջ մեզ իսկապես ջարդել են, հասել են նպատակին...
Բայց ինչպե՞ս ստեղծվի կամ զարգանա հայկական նոր մշակույթը, արվեստը, եթե պետք է անընդհատ շեղվես շուկայի անգրագետ պահանջների վրա ու պայքարես, որ հայերը իրենցը` հայկականը, հասկանան ու սիրեն։
Ինչպես մասնագիտանաս, զարգանաս քո ստեղծարար հատվածում, եթե անընդհատ գոյատեւման պայքարի մեջ ես, քանի որ ամբողջ հայության երեւի 5%-ն է ճանաչում իր մշակույթը եւ սիրում։ Մնացածի գիտելիքները այնքան թերի են, որ կա՛մ եղածն են մերժում, կա՛մ էլ եղածի զարգացումը...»,- ֆեյսբուքյան էջում գրել է թառահարը։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար