«Ռազմական գործողությունների 4-րդ օրը Գլխավոր շտաբը Փաշինյանին գրավոր տեղեկացրել է, որ պատերազմը տանուլ կտրվի». Քոչարյան. (տեսանյութ)

Նորմալ չէ, որ իշխանությունը չի կարողանում որևէ ողջամիտ, հասկանալի բացատրություն տալ հստակ մեղադրանքներին: Այս մասին հայտարարել է ՀՀ 2-րդ նախագահ Ռոբերտ Քոչարյանը` ռուսական ԶԼՄ-ներին տված մամուլի ասուլիսում, գրում է armeniasputnik.am-ը:

Նման մեղադրանքներից Քոչարյանը նշել է այն, թե ինչու է Արցախյան երկրորդ պատերազմի ժամանակ ռազմական գործողությունների 3-րդ օրը դադարեցվել բանակի մոբիլիզացիան:

«Օրինակ`ինչո ՞ւ է պատերազմի 3-րդ օրը կանգնեցվել մոբիլիզացիայի բաղադրիչը, որը ենթադրում էր գործող զինված ուժերի համալրում: Ինչո՞ւ վարչապետը չի ընդունել Ռուսաստանի նախագահի` հոկտեմբերի 19-ին արված առաջարկը: Ընդ որում, պատերազմի արդեն 4-րդ օրը նա գիտեր այն մասին, որ պատերազմը տանուլ է տրվելու: Նա ուներ Գլխավոր շտաբի գրավոր եզրակացությունն այն մասին, որ ընթացող պատերազմը հաստատապես տանուլ կտրվի: Սա ուղղակի դատարկ հայտարարություններ չեն: Սա հաղորդագրություն է հանցագործության մասին, որով պետք է զբաղվեն դատախազությունն ու քննչական մարմինները»,-հայտարարել է Քոչարյանը: