Մեկ օրում՝ 70 հանցագործություն. Այդ թվում պոռնկությամբ զբաղվելուն նպաստելը, ակնհայտ անարդար դատավճիռ կայացնելը

Ըստ ոստիկանության օպերատիվ հաղորդագրությունների ամփոփագրերի` փետրվարի 16-ից 17-ը Հայաստանի Հանրապետության ոստիկանության ստորաբաժանումները բացահայտել են հանցագործության 70 դեպք, որից 14-ը՝ նախկինում կատարված։

Մասնավորապես՝ անձնական ունեցվածքի գողության՝ 20, խարդախության` 8, մարմնական վնասվածք պատճառելու և թմրանյութի հայտնաբերման՝ 5-ական, անձի առևանգման, յուրացման կամ վատնման, ապօրինի ծառահատման ու ընտանեկան բռնության՝ 2-ական, պետական-հասարակական ունեցվածքի գողության, բնակարանային գողության, գույքը դիտավորությամբ վնասելու, զենք-զինամթերքի առգրավման, խուլիգանության, պաշտոնեական լիազորությունների չարաշահման, ծեծի, ակնհայտ անարդար դատավճիռ կամ դատական այլ ակտ կայացնելու, պոռնկությամբ զբաղվելուն նպաստելու և սպանության սպառնալիքի՝ 1-ական դեպք։

Հայտնաբերվել է 2 անհետ կորած, 1 հետախուզվող։ Կամավոր ներկայացել է 3 հետախուզվող։

Գրանցվել է զենք-զինամթերքի կամավոր հանձնման 5 դեպք։

Նախկինում կատարված հանցագործություններից բացահայտվել է անձնական ունեցվածքի գողության` 6, մարմնական վնասվածք պատճառելու՝ 3, պետական-հասարակական ունեցվածքի գողության, խարդախության, վանդալիզմի, վրաերթի և խուլիգանության 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 6 պատահար. 1 մարդ զոհվել է, 6-ը՝ ստացել տարբեր աստիճանի մարմնական վնասվածքներ: