Նովակ Ջոկովիչի 300-րդ հաղթանակը «Մեծ սաղավարտի» մրցաշարերում

Աշխարհի առաջին ռակետ Նովակ Ջոկովիչը 300-րդ հաղթանակը տարավ «Մեծ սաղավարտի» մրցաշարերում։

Ավստրալիայի բաց առաջնության չորրորդ շրջանում սերբ թենիսիստը մրցեց կանադացի Միլոշ Ռաոնիչի հետ եւ առավելության հասավ 7:6 (7:4), 4:6, 6:1, 6:4 հաշվով։

Քառորդ եզրափակիչում Ջոկովիչի մրցակիցը կլինի Գերմանիայի ներկայացուցիչ Ալեքսանդր Զվերեւը, որը 6:4, 7:6 (7:5), 6:3 հաշվով պարտության մատնեց սերբ Դուշան Լայովիչին։

Ջոկովիչը Australian Open-ի գործող չեմպիոնն է։ Առաջնությունը կավարտվի փետրվարի 21-ին։