Կան «Իմ քայլից» ավագանու անդամներ, որոնք երբևէ չեն ներկայանում նիստերին. Անի Խաչատրյան
Երևանի ավագանու «Լույս» խմբակցության անդամ Անի Խաչատրյանն ավագանու արտահերթ նիստում խնդրանքով դիմեց քաղաքապետ Հայկ Մարությանին՝ գոնե մեկ անգամ ապահովել ու ավագանու ամբողջ կազմով՝ 65 հոգով, նիստ անցկացնել:
«Ուզում եմ ճանաչել Երևանի ավագանու «Իմ քայլը» խմբակցության այն անդամներին, որոնք երբևէ չեն ներկայանում նիստերին: Ոզում եմ հաշվապահությունից ստանալ այն հաշվետվությունը, թե նիստերին չներկայացող ավագանու անդամներն արդյոք փոխհատուցվում են, թե ոչ»,- ասաց Ա.Խաչատրյանը:
Նրա խոսքով, «Իմ քայլը» խմբակցությանից կան ավագանու անդամներ, որոնք 3, 4, 5 անգամ բացակայել են ու հեռացման խնդրի առաջ են կանգնած:
«Հույս ունեմ՝ «Իմ քայլը» խմբակցության ղեկավարն ու Երևանի քաղաքապետը, ով «Իմ քայլը» խմբակցության ցուցակը գլխավորելով ընտրվել է քաղաքապետ, կհոգան այս դահլիճում գոնե մի անգամ ամբողջ կազմով նիստ անցկացնելու հարցը:
Երևանցիներն ընտրել են ձեզ, ձեզ տվել են մեծամասնություն ու վստահել են ամիսը մեկ անգամ այս դահլիճում իրենց համար կարևոր որոշումներ կայացնել»,- նշեց Անի Խաչատրյանը:
Նա նաև նշեց, որ նիստերի ժամանակ գործավարն ու մնացած աշխատողները միջանցքներից զանգելով խնդրում են խմբակցության անդամներին ներկայանան՝ քվորում ապահովելու համար:
94 տարեկանում մահացել է սպարապետ Վազգեն Սարգսյանի հայրը
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Պապոյանը ներկայացրել է ՀՀ-ից Ադրբեջան արտահանվող ապրանքների քննարկվող ցանկը. Factor
Աշխատանքի հնարավորություն՝ ՊԵԿ հեռախոսազանգերի կենտրոնում
Թրամփը վախենում էր Վենեսուելայում ռազմական գործողության ձախողումից. NYT
Վարչապետ Նիկոլ Փաշինյանը պատասխանում է լրագրողների հարցերին
Լոռու մարզում վերջերս նկատված ազնվացեղ եղջերուն վերադարձվել է «Դիլիջան» ազգային պարկ
26 տարիների ընթացքում ձեռնադրվել է 491 հոգևորական, որոնք այսօր ծառայում են Հայաստանի և սփյուռքի թեմե...
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ