ԱԺ-ի դիմաց ակցիայի մասնակիցներն ուսապարկեր, գոմաղբ նետեցին ԱԺ բակ. կան բերման ենթարկվածներ, այդ թվում Գեղամ Մանուկյանը (տեսանյութ)
Ազգային ժողովի մոտ տեղի ունեցող բողոքի ակցիայի ժամանակ կրքերը բորբոքվեցին: Ակցիայի մասնակից մի խումբ երիտասարդներ ուսապարկեր և գոմաղբ էին բերել իրենց հետ, որոնք նետեցին ԱԺ դարպասներից ներս:
Երիտասարդներից մեկը լրագրողների հետ զրույցում նշեց, որ ուսապարկում նիստից ուշացած պատգամավորներից մեկն է: «Նրա ուղեղի պարունակությունը մենք փորձել ենք ցույց տալ: Այս պատգամավորը նման է նույն այն պատգամավորին, որը երեկ հանդես եկավ հայտարարությամբ: Անձամբ ինձ՝ որպես ՀՀ քաղաքացի, շատ վիրավորել է, այս անձը իրավունք չունի այս շենքի ներսում գտնվի և առավել ևս միջազգային կոնֆերանսներում ներկայացնի ՀՀ-ն, նա ներկայացրել է թուրքական շահը: Մենք ոչ թե չենք հանդուրժելու իրենց, այլ իրենց մերժելու ենք, նվաստացնելու, ստորացնելու ենք»,- ասաց երիտասարդը:
Նշենք, որ խոսքը պատգամավոր Անուշ Բեղլոյանի մասին է, ով միջազգային կոնֆերանսում ելույթի ժամանակ ասել էր, թե կարևոր չէ, թե ում պատմական հողն է Արցախը կողմերից որն է սկսել պատերազմը:
Անդրադառնալով «Իմ քայլը» խմբակցության մեկ այլ պատգամավորի՝ Արթուր Մանուկյանին, երիտասարդները նշեցին, որ նա էլ Նիկոլ Փաշինյանի՝ Շուշիի մասին արված հայտարարությունն արդարացնելու համար, կասկածի տակ է դրել Կարսի հայկական լինելու հանգամանքը:
Այսպիսով՝ նրանք խորհրդարանի բակ նետեցին ուսապարկեր, որոնց մեջ տեղավորված էին այդ 2 պատգամավորների լուսանկարները, որոնք, ըստ նրանց, թուրքամետ, ադրբեջանամետ հայտարարություններ են կատարել: Նրանք նաև բերել էին գոմաղբ, որը նետեցին խորհրդարանի բակ: Ցուցարարները նաև «դավաճան» գրառմամբ Անուշ Բեղլոյանի նկարները նետեցին գետնին:
Այս իրադարձություններից հետո ոստիկանություն սկսեց բերման ենթարկել ակցիայի մասնակիցներին: Բերման ենթարկվածների մեջ է նաև «Երկիր մեդիա» ՀԸ լրատվական բաժնի տնօրեն Գեղամ Մանուկյանը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է