Ադրբեջանցիները 1 ժամ են տվել Գորիսի այգեգործական ընկերություններից մեկի տարածքում գտնվող 12 շինություն ազատելու համար
Ադրբեջանցիները Գորիսի այգեգործական ընկերություններից մեկի տարածքում գտնվող 12 շենք-շինությունն ազատելու համար 1 ժամ ժամանակ են տվել։ Այս մասին NEWS.am-ը տեղեկացավ Գորիս փոխքաղաքապետ Իրինա Յոլյանից։
Նա ասաց, որ այդ շենք-շինությունում կան նաեւ տներ, որտեղ քաղաքացիներ են ապրում. «Բացի այդ 12 շենք-շինությունից, անցնում է նաեւ ամենաբերրի հողամասերը, որոնք կարեւոր նշանակություն ունեն գյուղատնտեսության համար։ Կառավարությանն առընթեր Անշարժ գույքի կադաստրի պետական կոմիտեի վկայականն ունեն։ Այդ մարդիկ ասում են, որ բոլոր փաստաթղթերն առկա են, որ մեր պետական սահմանում են, բայց, ըստ էության, ադրբեջանցիներին տրված է հնարավորություն՝ բանակցելու եւ ասելու՝ ոչ, մերն է, ազատեք տարածքը»։
Փոխքաղաքապետը պատմեց, որ քաղաքացիները խնդրել են գոնե 3 ժամ ժամանակ տան, սակայն ադրբեջանցիները չեն համաձայնվել։
Նա ասաց, որ այս պահին այնտեղ բանակցում է Գորիս փոխքաղաքապետը։
«Մենք պնդում ենք, որ սրանք մեր հողերն են, որոնք երբեւէ Ադրբեջանինը չեն եղել, բաց, միեւնույն է, իրավիճակի թելադրողը մնում է Ադրբեջանը»,- նշեց Իրինա Յոլյանը։
Որ կանայք են հայտնվել ՔՊ ցուցակի առաջին 50 հորիզոնականներում
Նրա արարքը ուղղակի զզվելի էր․ Ֆաբիո Կապելո
Քիմ Քարդաշյան, Դոնալդ Թրամփ․ ԱՄՆ գլխավոր դատախազը հրապարակել է այն հայտնիների ամբողջական ցուցակը, որ...
Ձմեռային Օլիմպիական խաղեր. լեռնադահուկորդ Հարություն Հարությունյանի արդյունքը
Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է
Ֆուտբոլում նրան հավասարը չկա, նա ֆենոմեն է. Վինիսիուս
Բոլոր ճանապարհները բաց են
Ակնթարթ, որը «հալեցրեց» համացանցը
ԱՄՆ-ն Մերձավոր Արևելք է տեղափոխել լրացուցիչ տասնութ F-35A կործանիչ
Մահացել է «Կնքահայրը» և «Ապոկալիպսիս hիմա» ֆիլմերի դերասան Ռոբերտ Դյուվալը