Նավալնին դուրս գրվեց Բեռլինի հիվանդանոցից

Կրեմլի քննադատ Ալեքսեյ Նավալնին դուրս է գրվել Բեռլինի «Շարիտե» հիվանդանոցից, որտեղ բուժում է ստացել թունավորվելուց հետո:

Նավալնիի առողջական վիճակն օգոստոսի 20-ին կտրուկ վատթարացել է Տոմսկ-Մոսկվա չվերթն իրականացնող օդանավում, որը ստիպված վայրէջք է կատարել Օմսկում:

Այդ քաղաքի հիվանդանոցում Նավալնին հայտնվել է կոմայի վիճակում և ազգականների ու աջակիցների պահանջով՝ Գերմանիայի կառավարության հովանավորությամբ, հատուկ օդանավով փոխադրվել է Բերլին:

Գերմանացի փորձագետները ստուգումներից հետո հայտարարել են, որ Նավալնին թունավորվել է «Նովիչոկ» տեսակի նյարդապարալիտիկ նյութով:

Եվրոպական երկրները Նավալնիի թունավորումն անվանել են ընդդիմադիր լիդերին սպանելու փորձ և պարզաբանումներ են պահանջել Մոկսվայից:

Ռուսաստանը կտրականապես հերքում է Նավալնիին թունավորելու վարկածը և եվրոպացի փորձագետների եզրակացությունն արժանահավատ չի համարում:

«Շարիտե» հիվանդանոցը հայտարարել է, որ Նավալնիի առողջական վիճակն էապես բարելավվել է, հետևաբար, նրան կարելի է դուրս գրել վերակենդանացման բաժանմունքից:

«Այդուհանդերձ, դժվար է ասել, թե ինչ հետևանքներ կարող է ունենալ այդ թունավորումը երկարատև կտրվածքով»,- ընդգծել են գերմանացի բժիշկները:

Ալեքսեյ Նավալնին հայտնել է, որ ապաքինվելուց հետո անպայման պետք է վերադառնա Ռուսաստան:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Նավալնիին բժշկական օգնություն ցուցաբերած ռուս բժիշկը հանկարծամահ է եղել «Մարդկանց չէի ճանաչում, չէի հասկանում՝ ինչպես խոսել»․ Նավալնին պատմել է թունավորումից հետո ապաքինման ընթացքի մասին Բորել. Նավալնու թունավորումը ցնցել է Եվրամիությունում բոլորին Ալեքսեյ Նավալնին գրառում է կատարել Instagram-ի իր էջում