Նավալնիին բժշկական օգնություն ցուցաբերած ռուս բժիշկը հանկարծամահ է եղել

Ռուսաստանցի բժիշկը, որը 2020-ի օգոստոսին ռուս ընդդիմադիր գործիչ Ալեքսեյ Նավալնիի ինքնազգացողության կտրուկ վատացումից հետո նրան բժշկական օգնություն է ցուցաբերել, 55 տարեկանում հանկարծամահ է եղել, գրում է life.ru-ն։

Օմսկի թիվ 1 հիվանդանոցի փոխղեկավար Սերգեյ Մաքսիմիշինը սրտի կաթվածից հետո հանկարծամահ է եղել։ Մարզային առողջապահության նախարարության մամուլի քարտուղար Գալինա Նազարովան թերթին հայտնել է, որ բժշկի կյանքի համար պայքարել են իր հարազատ հիվանդանոցում:

«Հարազատները խնդրում են չանհանգստացնել։ Բժիշկն, իրոք, մահացել է սրտի կաթվածից, քանի որ շատ լարված աշխատանք է ունեցել և կորցրել է իր մտերիմներին: Մարդկային սիրտն այդպիսին է»,- ասել է Նազարովան։

Իր հերթին, Օմսկի մարզի առողջապահության նախարար Ալեքսանդր Մուրախովսկին հայտնել, է, որ «Մաքսիմիշինը տեղական հիվանդանոցին նվիրել է 28 տարի, փրկել հազարավոր կյանքեր, թողել է բազմաթիվ տաղանդավոր աշակերտներ, որոնք կշարունակեն նրա ժառանգությունը»։

Հիշեցնենք, որ Նավալնիի ինքնազգացողությունը կտրուկ վատացել էր օգոստոսի 20-ին Տոմսկից Մոսկվա թռչելիս: Նրան տեղափոխող ինքնաթիռն արտակարգ վայրէջք էր կատարել Օմսկ քաղաքում, ուր նրան հոսպիտալացրել էին շտապ օգնության թիվ մեկ հիվանդանոց: Հիվանդանոցի մասնագետները Նավալնիի օրգանիզմում թույնի հետքեր չէին հայտնաբերել: Ըստ նրանց՝ հետազոտությունները միայն ալկոհոլի և կոֆեինի հետքեր են ցույց տվել: Հայտնի է, որ չվերթից առաջ Նավալնին թեյ է ըմպել օդանավակայանի սրճարանում:

Օգոստոսի 22-ին Նավալնիին ինքնաթիռով տեղափոխել են Բեռլինի Charite հիվանդանոց, որի մասնագետներն ավելի ուշ հայտարարել էին վերջինիս թունավորման մասին, իսկ Գերմանիայի զինված ուժերի մասնագետները մաշկի, արյան և մեզի նմուշների մեջ «Նովիչոկ» խմբին պատկանող թունավոր նյութի հետքեր էին հայտնաբերել:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Նավալնին դուրս գրվեց Բեռլինի հիվանդանոցից «Մարդկանց չէի ճանաչում, չէի հասկանում՝ ինչպես խոսել»․ Նավալնին պատմել է թունավորումից հետո ապաքինման ընթացքի մասին Բորել. Նավալնու թունավորումը ցնցել է Եվրամիությունում բոլորին Ալեքսեյ Նավալնին գրառում է կատարել Instagram-ի իր էջում