Ինչպես քայքայել երեխաների նյարդային համակարգն ու առողջությունը
Ծանոթանալով այն ուղեցույցին, որը հրապարակել է ԿԳՄՍ-ն, եւ որի հիման վրա դպրոցում պետք է անցկացվեն դասերը, տպավորություն է, որ կառավարությունը նպատակադրվել է քայքայել երեխաների նյարդային համակարգը եւ առողջությունը կամ դիտավորյալ գնում է նման քայլի, ուսումնական տարին ձախողելու եւ կրկին, այսպես կոչված, հեռավար ուսուցմանը վերադառնալու համար:
Սադիզմ է երեխաներին պարտադրել չորս կամ հինգ, անգամ երեք ժամ դասին մասնակցել դիմակով, չշարժվել, չխոսել, դասասենյակից դուրս չգալ, դասամիջոց չանել, բուֆետ չգնալ: Սա ավելի շատ հիշեցնում է խորհրդային եւ ֆաշիստական համակենտրոնացման ճամբարները, բայց ասում են, որ այնտեղ երեխաները անհամեմատ ավելի մարդկային պայմաններում են եղել:
Մի՞թե կգտնվեն ծնողներ, որոնք անտարբեր կգտնվեն իրենց երեխաների առողջության հանդեպ եւ կհամաձայնվեն այս հրեշային պայմաններով երեխաներին դպրոց ուղարկել: կարծում եմ կգտնվեն, բայց նրանք շատ քիչ են:
Քանի դեռ շատ ուշ չէ, քանի դեռ չի ձախողվել ուսումնական տարին պետք է ամեն ինչ անել բանականության դաշտ վերադառնալու համար: Դասերը պետք է լինեն այնպես, ինչպես այն ընթանում է Դանիայում, Շվեդիայում, Ռուսաստանում: Եթե ԿԳՄՍ-ում չգիտեն, թե այնտեղ ինչպես են ընթանալու դասերը, ապա թող նեղություն քաշեն եւ զանգեն իրենց գործընկերներին:
Չի կարելի երեխաներին պարտադրել դիմակ կրել փակ դասասենյակներում, չի կարելի ուսուցիչներին արգելել երեխաներից դաս հարցնել եւ կանչել գրատախտակի մոտ, չի կարելի արգելել դասամիջոցները, սնվելը, քայլելը:
Մի՞թե ձեր երեխաների առողջությունը վստահում եք չկայացած նախարարներ Արայիկ Հարությունյանին եւ Արսեն Թորոսյանին: Մի պահ ընդունենք, որ նրանք չեն գիտակցում, թե ինչ են անում, բայց դուք գոնե հասկանում եք, որ երեխային զրկելով թթվածնից դուք նրա համար լուրջ խնդիրներ եք ստեղծում, նրան արգելկելով երեքից վեց ժամ շարժվել, քայքայում եք նյարդային համակարգը, արգելելով դասամիջոց անել, բթացնում եք ուղեղը:
Մի փճացրեք ձեր երեխաների կյանքը, մի վտանգեք նրանց առողջությունը, մի քայքայեք նրանց նյարդային համակարգը: Եւ վերջում, թարգեք նաեւ ջերմաչափումը: Դուք պատկերացնում եք ջերմաչափողի վիճակը կամ թե ինչ է լինելու մուտքի մոտ դրա պատճառով: Դպրոցական բուժքույրը կարող է ընթացքում, ընտրովի մտնել այս կամ այն դասասենյակ եւ չափել մի քանիսի ջերմությունը: Մի քիչ փորձեք ուղեղով աշխատել:
Աննա Բաղդասարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը