Երբ Իլհամ Ալիեւին պատասխանելու փոխարեն պատասխանում են Սերժ Սարգսյանին
Ադրբեջանի նախագահ Իլհամ Ալիեւի ելույթից եւ նրան Սերժ Սարգսյանի պատասխանից հետո պարզվեց, որ Նիկոլ Փաշինյանը երկու նոր զինատեսակ է ձեռք բերել` «Իսկանդեր Մ» (Մ-Մակունց) եւ «Իսկանդեր Մ» (Մ-Մանե): Այդ երկու զինատեսակներով Նիկոլ Փաշինյանը հարվածեց ոչ թե Իլհամ Ալիեւին, այլ Սերժ Սարգսյանին: Իրոք, տորօրինակ ժամանակներ են:
Իլհամ Ալիեւի շեշտադրումները, Իլհամ Ալիեւի ելույթի բովանդակությունը հուշում են, որ նա հող է նախապատրաստում բանակցային գործընթացը տապալելու համար: Սա առավել քան ակնհայտ է: Այս իրավիճակում, հաշվի առնելով ներկա իրողությունները այսօրվա գործող իշխանություններն ամեն ինչ պետք է անեն Իլհամ Ալիեւի մտադրությունները ձախողելու եւ բանակցությունների համար գոնե մի պատուհան թողնելու համար:
Հին ճշմարտություն է, որ ամենավատ բանակցություններն անգամ ավելի լավ են բանակցային գործընթացի բացակայությունից:
Եւ երբ հայաստանյան գործող իշխանությունները թառը վերցնում եւ ձայնակցում են Իլհամ Ալիեւին, ամեն ինչ ավելի մտահոգիչ է դառնում: Չի կարելի ձայնակցել հակառակորդին, ընդհակառակը, պետք է պարտադրել մեր օրակարգը, որը շատ պարզ է եւ հասկանալի՝ որքան էլ դժվար լինի, որքան էլ ծանր լինի ԵԱՀԿ Մինսկի խմբի շրջանակներում բանակցային գործընթացը պետք է շարունակվի, մինչեւ ընդունելի որոշման հանգելը:
Եւ Իլհամ Ալիեւը, եւ Նիկոլ Փաշինյանը սիրում են անդադար կրկնել, թե ինչ անում են ժողովրդի համար են անում, բայց իրենց անձնական նկրտումներին հագուրդ տալու համար, իրենց նեղ անձնական խնդիրներն առաջին պլան մղելով վտանգում են բանակցային գործընթացը, վտանգում են փխրուն խաղաղությունը:
Գեղամ Նազարյան
Top-News.am
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Դեպի Երևան․ ինչպե՞ս (տեսանյութ)
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Z համաշխարհային պատերազմը վերադառնում է
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Տուրիստ չեմ` ավտոբուս չկա
Առանձին շրջաններում սպասվում է կարճատեւ անձրեւ եւ ամպրոպ