Նիկոլ Փաշինյանի լռության պատճառը
Նիկոլ Փաշինյանը, որը զբաղեցնում է ՀՀ վարչապետի պաշտոնը, եւ որը ջանք ու եռանդ չխնայեց Ստյոպա Սաֆարյանին Հանրային խորհրդի նախագահ դարձնելու համար, մինչեւ հիմա բառ անգամ չի ասել իր հովանավորյալի լկտի պահվածքի եւ վերջին գրառման կապակցությամբ: Նիկոլ Փաշինյանը լռում է: Հիշեցնենք, որ Ստյոպա Սաֆարյանը հերթական անգամ աչքի է ընկել ցինիկ պահվածքով եւ տեղադրելով իրավապաշտպան Ռուբեն Մելիքյանի եւ նրա մանկահասակ որդու լուսանկարը ատելությամբ լեցուն գրառում արել, որն արդեն դատապարտվել է շատերի, այդ թվում ՄԻՊ Արման Թաթոյանի, բայց ոչ Նիկոլ Փաշինյանի կողմից:
Մինչ օրս Նիկոլ Փաշինյանը լռում է եւ համառորեն չի ցանկանում իր պաշտպանության տակ վերցնել աշխարհի չեմպիոն, օլիմպիական խաղերի մրցանակակիր Ռոման Ամոյանին, որին մեկ տասնյակից ավելի ոստիկաններ մի կերպ գետնին տապալեցին, ձեռնաշղթաներ հագցրեցին եւ բերման ենթարկեցին: Նիկոլ Փաշինյանը լռում է: Նա կարծես մտադրություն չունի պաշտպանել, իր պաշտպանության տակ վերցնել արժանապատիվ մարզիկին: Հիշեցնենք, որ նույն Նիկոլ Փաշինյանը շտապեց իր պաշտպանության տակ վերցնել Մել Դալուզյանին, որի համար կամ որի մասին պետական միջոցներով անգամ ֆիլմ են նկարել:
Նիկոլ Փաշինյանը լռում է նաեւ քաղաքապետ Հայկ Մաությանի պահվածքի կապակցությամբ: Ընդ որում, հենց Նիկոլ Փաշինյանը երեւանցիներին պարտադրեց եւ համոզեց նրան քաղաքապետ դարձնել: Նիկոլ Փաշինյանը դուրս է գալիս փողոց, դիմակներ բաժանում, մինչդեռ Հայկ Մարությանը, նույն ինքը Կարգին Հայկոն շարունակում է ինքնամեկուսացումը, համառ ինքնամեկուսաքցումը: Հանրությունը սպասում է Հայկ Մարությանի պահվածքի, գործելաոճի վերաբերյալ Նիկոլ Փաշինյանի գնահատականին, բայց վարչապետը համառորեն լռում է:
Ո՞րն է Փաշինյանի համառ լռության պատճառը: Վարկածները շատ են, բայց դրանք կարեւոր չեն: Կարեւորն այն է, որ Փաշինյանի լռությունը շատ խոսուն է: Նա չի դատապարտում ատելության խոսք տարածող Ստյոպա Սաֆարյանին, նա չի դատապարտում Ռոման Ամոյանի նկատմամբ անհամաչափ ուժ կիրառած ոստիկաններին, նա չի դատապարտում իրեն դասալիքի նման պահող Հայկ Մարությանին:
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...