Նիկոլ Փաշինյանի մեծ ձախողումը

Նիկոլ Փաշինյանը ծանր պարտություն կրեց: Ընդ որում, պարտության ճանապարը ընտրեց հենց ինքը: Երբ ուժային կառույցների օգնությամբ ճնշում է գործադրվում ԲՀԿ առաջնորդ Գագիկ Ծառուկյանի, ԲՀԿ-ի, նրա մյուս ներկայացուցիչների նկատմամբ, ապա դա ամենասովորական պարտության արձանագրումն է:

Հայաստանում, փորձը ցույց է տվել, անհնար է բռնապետություն ստեղծել, անհնար է մեկ մարդու իշխանություն ձեւավորել: Չի ստացվելու: Նիկոլ Փաշինյանը պետք է որ դա հասկանար, բայց չհասկացավ: Չհասկացավ եւ ծանր պարտություն կրեց:

Նիկոլ Փաինյանն արդեն պետք է մտածի, թե երբ է հրաժարական տալու: Ընդ որում, որքան շուտ, այնքան լավ բոլորի համար:

Արթուր Դավթյանին Ազգային ժողով ուղարկելուց հետո, ԲՀԿ-ական պատգամավորներին ասֆալտին քարշ տալուց հետո, Նաիրա Զոհրաբյանի նկատմամբ գործ «կարելու» հանձնարարական տալուց հետո մնում է միայն հրաժարականը:

Ընդ որում, դեռ կորոնավիրուսի դեմ պայքարի ձախողումը դնում ենք մի կողմ: Դրա մասին հիմա չենք խոսում: Այն ինչ կատարվեց ԲՀԿ-ի, նրա առաջնորդի, ԲՀԿ-ական պատգամավորների հետ ընդամենը վկայում է գործող վարչախմբի տապալման մասին:

Տասը ոստիկանի հարձակումը օլիմպիական խաղերի մրցանակակիր Ռոման Ամոյանի նկատմամբ ձեր տապալման խորհրդանիշն է:

Եւ մի խաբվեք ֆեյքերի գրառումներով, դրսի ֆինանսավորմամբ գործող մի քանի հոգու ֆեյսբուքյան գրառումներին: Դուք այլեւս կորցրել եք ժողովրդի վստահությունը եւ աջակցությունը: Դուք տապալվել եք: Հեռանալու ժամանակն է:

Top-News.am