Փաշինյանի ծանր հարվածները Հայաստանին
Ինչո՞վ է զբաղված ՀՀ թիվ մեկ պաշտոնյան՝ վարչապետ Նիկոլ Փաշինյանը: Նա ժամեր է անցկացնում ֆեյսբուքում, տեղադրելով դիմակ չկրող մարդկանց լուսանկարներն, առանց նրանց համաձայնության: Նա լայվեր է մտնում եւ սպառնում: Նա մասնակցում է կորոնավիրուսի դեմ պայքարի հարցերով եւ սպառնում: Իհարկե, սպառնում է բացառապես հայաստանցիներին:
Էլ ինչո՞վ է զբաղվում Փաշինյանը: Նա ընդդիմությանը համեմատում է բացիլի հետ եւ երազում այդ քաղաքական ուժերին տեսնել քաղաքական գերեզմանում: Նա կոչ է անում լուսանկարել ավտոմեքենայում անդիմակ վարորդներին եւ դրանք հանձնել ոստիկանությանը եւ տուգանել օրինազանցներին, չմոռանալով ավելացնել, որ եթե չեն ուզում հրապարակվի իրենց անձնական կյանքի մանրամասները, թե ում հետ եւ ինչով են զբաղվել ավտոմեքենայում, ապա թող դիմակ կրեն:
Ինչո՞վ է զբաղվում Փաշինյանը: Նա բացառապես սպառնում է, սպառնում եւ սպառնում: Այո, Փաշինյանը եւս մի կարեւոր գործով է զբաղվում, նա Քյարամյանին նշանակում է ԱԱԾ տնօրեն՝ դրանից բխող բոլոր բացասական հետեւանքներով եւ հրաժարվում հայկական ատոմակայանի վերանորոգման համար տրամադրված ռուսաստանյան վարկից՝ անհեթեթ պատճառաբանությամբ:
Իսկ ի՞նչ է կատարվում Հայաստանում եւ նրա շուրջն այն ընթացքում, երբ Փաշինյանը սպառնում է եւ ֆեյսբուքում ժամանակ անցկացնում, Քյարամյանին էլ նշանակում ԱԱԾ տնօրեն:
Ոչինչ էլ չի կատարվում: Ընդամենը Հայաստանում մարդիկ են մահանում, քանի որ հակակորոնավիրուսային պայքարը, որպես այդպիսին, տապալվել է, Վրաստանը հայտարարում է, որ ՀՀ քաղաքացիների առաջ իր սահմանները փակ կլինեն, քանի որ Հայաստանը տապալել է հակակորոնավիրուսային պայքարը, Իրանում Հայաստանի դեսպանության առաջ բողոքի ցույց է տեղի ունենում, որի մասնակիցները դեմ են արտահայտվում Հայաստան-Իսրայել խորացող հարաբերություններին, հետո ՀՀ արտգործնախարար Մնացականյանն անում է արկածախնդիր հայտարարություն, ասելով, թե ում հետ ուզենք կխորացնենք մեր հարաբերությունները, որին հաջորդում է Ադրբեջանում Իրանի դեսպանը հանդիպում է Արցախի, այսպես կոչված, ադրբեջանական համայնքի ղեկավարի հետ, իսկ ԵԽ-ն վերցնում եւ դատապարտում է Հայաստանի իշխանություններին Գորիս-Հադրութ ճանապարհ կառուցելու մտադրության մասին, ընդգծելով, որ այն համաձայնեցված չէ Ադրբեջանի հետ:
Ահա ընդամենը մի քանի աննշան իրադարձություն Փաշինյանի համար, մինչ նա զբաղված էր ատելության մթնոլորտի տարածմամբ եւ ընդդիմախոսներին այս կամ այն կերպ սպառնալով, ուժային կառույցների ղեկավարներ փոխելով: Կարեւորն այն է, որ նա մեկ ամսով եւս երկարաձգեց արտակարգ դրությունը:
Top-News.am
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Դեպի Երևան․ ինչպե՞ս (տեսանյութ)
Երթևեկության կազմակերպման փոփոխություն՝ Վարդանանց փողոցում
Շարունակում ենք ստուգայցերը ՊՆ զորամասեր (տեսանյութ)
Z համաշխարհային պատերազմը վերադառնում է
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Տուրիստ չեմ` ավտոբուս չկա
Առանձին շրջաններում սպասվում է կարճատեւ անձրեւ եւ ամպրոպ