Մետրոյի միջադեպն իշխանական թիմին շոկի մեջ գցեց. Նարեկ Մալյան
«ՎԵՏՕ» հասարակական շարժման ղեկավար Նարեկ Մալյանը Ֆեյսբուքյան իր էջում անդրադարել է երեկ մետրոյում տեղի ունեցած միջադեպին, երբ մի երիտասարդ աղջիկ վարչապետ Նիկոլ Փաշինյանի տված նախընտրական բուկլետը պատռել էր ու շպրտել նրա ուղղությամբ։ Գրառման մեջ ասվում է.
«Փաստեր, որոնք արձանագրվեցին երեկ Երևանի մետրոպոլիտենի վագոնում.
1. Իշխանությունը այլևս իրավունք չունի խոսել ամբողջ ժողովրդի անունից: Սա առաջին հրապարակային փաստն է, որ իշխանությունը չունի ամբողջ ժողովրդի աջակցությունը: Կան հասարակ մարդիկ, ովքեր երթևեկում են մետրոյով ու մեղմ ասած չեն սիրում իշխանությանը:
2. Հասարակ մարդիկ այլևս չեն վախենում ֆեյքերի ոհմակային հարձակումներից և պատրաստ են իրենց անհամաձայնությունը հայտնել ամենահամարձակ կերպով:
3. Ատելությունը, որը գեներացվում էր իշխանության կողմից դուրս է եկել ֆեյսբուքից և թափառում է Հայաստանում: Սա կարմիր լույսի ազդանշան էր: Ատելության գերդոզավորումը այլևս կառավարելի չէ: Այդ անկառավարելի ատելությունը անպայման իր կիրառությունը գտնելու է:
4. Շատ կարևոր դետալ է, որ միջադեպը նկարահանվում էր վարչապետի կողմից, այլ ոչ թե աղջկա: Սա նշանակում է աղջկա արարքը նախապատրաստված ակցիա չէր նրա կողմից, այսինքն խիզախությունը կրկնակի էր որովհետև աղջիկը չէր այդ տեսանյութը հրապարակողը: Հիշեցնեմ, որ սորոսական «խիզախները» իրենք են մի քանի կամերայով նկարահանում նախապես պլանավորված նմանատիպ ակցիաները:
5. Հիմա արդեն բոլորին պարզ դարձավ թե ինչու է վարչապետը այդքան լուրջ անվտանգության միջոցառումներ ձեռնարկում իր համար: Այդքան մեքենաները, զրահապատ ապակիները, թիկնապահների քանակը, մինչև երեկ անհասկանալի էին, որովհետև ժողովրդի վարչապետը ժողովրդից թաքնվելու պատճառ չպետք է ունենար:
6. Երեկվա միջադեպը իշխանական թիմին շոկի մեջ գցեց, որովհետև գոնե խելացիների համար պարզ դարձավ թե ինչ է իրենց սպասվում մոտ ապագայում իշխանությունը կորցնելու պարագայում: Փաշինյանը կարծում եմ արդեն ունի իր նահանջի ճանապարհը, հնարավոր է նույնիսկ մի քանի տարբերակով, սակայն իշխանական թիմի մնացած ներկայացուցիչները դժվար թե տեղավորվեն նրա ապագա ծրագրերի մեջ:
7. Ֆեմինիստները լռում են, որովհետև ոչ փող են ստացել և ոչ էլ հրահանգ ունեն այս թեմայով խոսելու: Աղջկա նկատմամբ սկսվել են ուղղորդված հետապնդումներ, մի արարքի համար, որը բազմաթիվ անգամ անպատիժ իրականացվել է մեր երկրում: Այս աղջիկը գուժեց սորոսական ֆեմինիստների մահը: Դրանք զբաղված են հիմնականում բռնության կեղծ նամակներ հորինելով...
8. Նիկոլ Փաշինյանը այլևս կուռք չի: Աղջիկը նրան դեսակրալիզացիայի ենթարկեց մետրոյում:
9. Գլենդելի քֆուրչի տատիների գումարտակը սկսեց խոսել դաստիարակված հայ կնոջ կերպարի մասին»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...