Հայաստանցի ընտրողի երգը

Գուսան Շահենը, եթե ապրեր մեր օրերում, ականատես լիներ ապրիլի 2-ի խայտառակությանը, մայիսի 14-ի, այսպես կոչճված, ընտրությանը, ապա ամենայն հավանականությամբ, կարձագանքեր այսպես.

Հայաստանցի Ընտրողի երգը

Որպես մի ընտրող՝ տնից դուրս ելա,
Քվես տվեցի, անցա - գնացի,
Կեղծիքը՝ որպես մի սարսափ երազ՝
Աչքովս տեսա, անցա - գնացի:

Տեսա լավ ու վատ, տեսա կեղծարար,
Տեսա ձայն բերող, ահավոր դեմքեր,
Տեսա լավ մարդիկ, բարի դիտորդներ,
Բարեւս տվի, անցա - գնացի:

Տեսա շտաբ դարձած փոքրիկ բաղնիքներ,
Տեսա մարդկանց մեջ կեղծարար մտքեր,
Տեսա կեղտոտված պողպատե ձեռքեր,
Լավին երգեցի, անցա - գնացի:

Տեսա գեղանի, սիրուն աղջիկներ
Ու նրանց ձեռքին՝ տասը հազարներ,
Նրանց գովքն անող կուսակցականներ,
Ես էլ բարկացա, անցա - գնացի:

Իսկ դու, ընտրություն, կարոտո՛վ երազ,
Ապտակդ՝ ուժգին, բարիքդ՝ մուրազ,
Մտքերդ՝ խորը, մարդիկ՝ քեզ անհաս,
Քեզնից կարոտով, անցա - գնացի:

Top-News.am

Այս թեմայով ՏԻՄ ընտրություններ Հայաստանում. 4 խոշոր համայնքներում քաղաքապետ են ընտրում Գտնվեց ապրիլյան խայտառակ ընտրությունների միակ մեղավորը Տնօրենները հայցից հրաժարվում են «ՀՀ ընտրությունները չեն համապատասխանում ժողովրդավարական սկզբունքներին» «Կոնգրես-ՀԺԿ» դաշինքի հայցը Սահմանադրական դատարանը մերժեց