Այս երկրի ամենամեծ հանցագործը՝ Արմեն Աշոտյանի վարորդը
Երեկ Հատուկ քննչական ծառայությունը հաղորդագրություն տարածեց, հայտնելով, որ վատնման եղանակով խոշոր եւ առանձնապես խոշոր չափերի գույքի հափշտակությանն օժանդակելու կասկածանքով ձերբակալվել է Արամ Բարսեղյանը: Իսկ Արամ Բարսեղյանը Արմեն Աշոտյանի օգնականն է, վարորդը, ընկերը:
Իսկ Արամ Բարսեղյանի «ծանր» հանցանքը կայանում է նրանում, որ քոլեջներից մեկում ձեւակերպված է եղել պահակ եւ բանվոր: ՀՔԾ-ի համար ծանր հանցանքն այն է, որ նա ամեն ամիս ստացել է մոտ 80 հազար դրամ աշխատավարձ:
Եւ այս ամենն այնպես ներկայացվեց, կարծես բացահայտվել է դարի հանցագործությունը, կարծես Արմեն Աշոտյանի վարորդը այս երկրի ամենավտանգավոր հանցագործն էր, կարծես մենաշնորհներից օգտվող գործարարները օրենք չեն խախտել, հարկերից խուսափող բազմամիլիոնատեր գործարարները օրենք չեն խախտել, բանակից կասկածելի պայմաններով ազատված եւ այժմ նախարար աշխատողները օրենք չեն խախտել, ոչ ոք օրենք չի խախտել, այլ միակ հանցագործը Աշոտյանի օգնական Արամն է:
Լավ, ենթադրենք ձեւակերպվել է եւ աշխատանքի չի ներկայացել: Լավ, եթե ՀՔԾ-ի թափը միայն այս կարգի գործերն են, ապա ինչո՞ւ եք ձերբակալում, ինչո՞ւ եք ազատությունից զրկում, թե՞ ճնշում եք Աշոտյանին, փորձում լռեցնել մյուսներին:
Օրենք է խախտել, սահմանեք վնասի չափը ազգովի հավաքվենք եւ վճարենք այդ գումարը: Իսկ երբ ազատությունից զրկում եք, նշանակում է ճնշում եք գործադրում, նշանակում է` այլ նպատակներ եք հետապնդում: Ախր մենք հիշում ենք այն հայտնի գաղտնալսված հեռախոսազրույցը եւ ֆիքսել ենք, թե ինչպես է Սասուն Խաչատրյանը վերաբերում ազատությունից զրկելուն: Նրա համոզմամբ այդպես ցուցմունքներ կորզելը հեշտ է:
Միանշնակ է, որ ձերբակալությունը քաղաքական է եւ նպատակ ունի լռեցնել գործող իշխանությունների նկատմամբ քննադատաբար տրամադրված զանգվածին: Այսքանը: Մնացածը հեքիաթներ են:
Սովորաբար գույքի հափշտակության վերաբերյալ գործերով վարույթ իրականացնող մարմնին նախ եւ առաջ հետաքրքրում է վնասի հատուցման խնդիրը։ Այդ հարցը ամենաքննարկվողն է։ Արմեն Աշոտյանի ընկերոջ` Արամ Բարսեղյանի դեպքում այդ հարցը ոչ մեկին չհետաքրքրեց, անգամ չքննարկվեց, մինչդեռ նման առաջարկ հնչեցվել է նրա փաստաբանի կողմից:
Սա էլ «նոր» ժողովրդավարական Հայաստանը եւ նրա «ժողովրդավար» ղեկավարներն ու «ժողովրդի սրտի» մեղադրողները:
Գեղամ Նազարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...