Դատավորը՝ պատմական պատասխանատվության տակ
Վերաքննիչ քրեական դատարանը՝ դատավոր Արմեն Դանիելյանի նախագահությամբ, պետք է որոշում կայացնի Ռոբերտ Քոչարյանի խափանման միջոցը փոխելու վերաբերյալ: Նիստը երկու օրով հետաձգվել է եւ այս ընթացքում դատավոր Արմեն Դանիելյանը պետք է հասկանա, գիտակցի, թե ինչ պատասխանատվության տակ է գտնվում:
Մի կողմից նա գտնվում է գործող իշխանությունների հոգեբանական ճնշման տակ, մյուս կողմից արհամարհել Արցախի երկու նախագահների՝ գործող նախագահ Բակո Սահակյանի եւ նախկին նախագահ Արկադի Ղուկասյանի միջնորդությունը, մեղմ ասած, շատ մեծ պատասխանատվություն է:
Լինենք մինչեւ վերջ անկեղծ. սա սոսկ խափանման միջոցի փոփոխման հարց չէ: Սա Արցախի եւ ամբողջ Հայաստանի միասնության հարցն է: Միասնություն, որը կենսական նշանակություն ունի Հայաստանի բոլոր հատվածների, բոլոր կողմերի համար: Մենք միասնական սահման ենք պահում, մենք միասնական տնտեսություն զարգացնում, մենք միասնական օրակարգեր ունենք, եւ որ ամենակարեւորն է, երբեք այս մասին չի կարելի մոռանալ, հատկապես կարեւոր որոշումներ կայացնելիս:
Եթե հանկարծ, տեղի տալով ինչ-ինչ ճնշումների, դատավոր Արմեն Դանիելյանը օրենքից եւ տրամաբանությունից, Հայաստանի շահերից չբխող որոշում կայացնի, ապա նրան չեն հասկանալու ոչ Ստեփանակերտում, ոչ Երեւանում, ոչ աշխարհի որեւէ հատվածում ապրող մեր հայրենակիցները: Պարզ է, որ այս մթնոլորտում արժանապատիվ, գլուխը բարձր ապրելն արդեն խնդիր է:
Ի վերջո, դատավոր Արմեն Դանիելյանը պետք է որ գիտակցի, որ իշխանություններն անցողիկ են, եւ հանուն ժամանակավոր իշխանության գովասանքի կամ քաղցր խոսքերի չի կարելի այնպիսի որոշում կայացնել, որի բեռան տակ ապրելը վաղը արդեն դժվար կլինի:
Ցավոք, ունենք նման մի օրինակ: Գլխավոր դատախազ Արթուր Դավթյանը, հանուն մի քանի ամիս ավելի պաշտոնավարելու մտավ այս ծանր բեռի տակ, հիմա դատավոր Արմեն Դանիելյանը որոշում կայացնելու պահն է:
Իրականում, որոշում կայացնելն այդքան էլ բարդ չէ: Ընդամենը պետք է հետեւել գործող օրենքներին, այդ թվում եւ բարոյական, ինչպես նայել հաշվի նստել մեր պետական եւ ազգային շահի հետ:
Գեղամ Նազարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...