Հեղափոխության շահագրգիռ կողմերը
Հեղափոխությունը մտահղացվում է Վաշինգտոնում
Հեղափոխություն կամ հեղափոխության փորձ հենց այնպես չի լինում:
Հեղափոխությունները մտահղացվում եւ ծրագրվում են կոնկրետ մարդկանց, կոնկրետ կազմակերպությունների կողմից: Դատելով հայաստանյան վերջին իրադարձություններից, այս փուլից սկսված ԱՄՆ-ն դառնում է հեղափոխության հիմնական փայատերը։
ԱՄՆ պետքարտուղարության պատվիրակությունների վերջին ակտիվ շփումները Հայաստանում եւս մեկ անգամ վկայում են հենց այդ մասին: ԱՄՆ-ից սնվող քաղաքացիական հասարակության ակտիվ լոբբինգը մի շարք համակարգային օրենքների ընդունման ուղղությամբ դա է վկայում, իսկ ՀՀ իշխանությունների խանդավառ հարմարվողականությունը շատ դժվար հետեւությունների տեղիք տալիս։ Ամերիկյան կողմի ակտից եւ ուղիղ միջամտությունը ՀՀ ներքին գործերին ուղղակի հանգեցնելու է սուր ռեակցիայի Ռուսաստանից։ Եվ Հայաստանը դառնալու է գերտերությունների միջեւ կռվախնձոր՝ դրանից բխող բոլոր հետեւանքներով։
Հեղափոխոսւթյունն իրականացնում են միամիտները
Հեղափոխության հետաքրքիր դրսեւորումներից մեկն էլ այն է, որ գտնվում են մարդիկ, շատ մարդիկ, որոնց թվում է, որ հենց իրենք, ինքնաբուխ դուրս եկան փողոց եւ իրականացրին իշխանափոխությունը: Այսպես է բոլոր երկրներում, այսպես է Հայաստանում:
Առանց միամիտների, առանց հուզական զանգվածների անհնար է հեղափոխության իրականացումը: Տեղեկացված եւ կազմակերպիչների հետ կապեր ունեցող փոքրամասնությունը հեղափոխության ժամանակ հեշտությամբ կառավարում է գործող իշխանություններից այս կամ այն պատճառով դժգոհ, գործող կառավարությունից հոգնած բազմությանը կամ Չարենցի բնորոշմամբ՝ խելագարված ամբոխներին:
Իսկապես, նրանք ովքեր դուրս էին եկել փողոց, հավատում էին, որ լավ գործ են անում, նրանք չէին էլ կարող ենթադրել, որ իրենց պարզապես օգտագործում են: Առողջ ձայնը, սթափ դատողությունը հեղափոխության թմբուկների եւ շեփորների ներքո որպես կանոն չեն լսվում: Հեղափոխականները հավատում էին, բայց չէին պատկերացնում, թե ինչ են անում եւ ում համար:
Հեղափոխությունից օգտվում են Բաքվում
Չափազանց մոտ ենք այն կետին, երբ մեր հեղափոխությունից ամենաշատը շահելու է Բաքուն:
Երբ Հայաստանում հետապնդվում են Արցախի ազատագրման կերտողները, այսօրվա հրամանատարները, երբ նրանց նկատմամբ քրեական գործեր են հարուցվում, երբ որոշ լրատվամիջոցների օգնությամբ նրանց դեմ սեւ քարոզչություն է իրականացվում, ապա հեղափոխությունից հաստատ օգտվելու են Բաքվում:
Երբ ՀՀ վարչապետը հայտարարում է, թե դավադիր պատերազմ հրահրելու, անգամ որոշ տարածքներ հանձնելու եւ տեղի ունեցածի պատասխանատվությունը Հայաստանի կառավարության վրա դնելու հեռահար նպատակ է տեսնում «որոշ ուժերի կողմից», եւ երբ հայտարարում է, թե ձեռնարկելու եմ ամենակոշտ միջոցները այս դավադիր մտադրությունները արմատախիլ անելու համար, ապա դրանից հաստատ ոչ թե հայկական, այլ ադրբեջանական կողմն է շահելու: Երբ Արցախում անկայունություն հրահրելու՝ հեղափոխոթյուն, բացահայտ սպառնալիք է հնչում, ապա դրանից շահում է միայն Բաքուն։
Եւ չմոռանանք, թե ինչպես էր հայկական կողմը շահում անցած դարի իննսունականներին Ադրբեջանում իրականացվող հեղափոխություններից եւ հեղաշրջումներից:
Գեղամ Նազարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...