Կռիվ է՝ անում են, ի՞նչ կլինի. ՀՀԿ-ականը՝ Ջրառատում վնասված երեխայի մասին կամ ես մանկուց ՀՀԿ-ական եմ եղել

Նախընտրական քարոզարշավի առաջին իսկ օրերից քաղաքական ուժերի միջեւ սկսվել եւ չեն ավարտվում բախումները: Վնասվածքներ են ստանում նույնիսկ անչափահաս երեխաներ: Բախումներ հրահրողները, լարված իրավիճակներ ստեղծողները հիմնականում ՀՀԿ թեկնածուներն են: Նրանք դեռ հենց հանրապետական կուսակցության ներսում էին սկսել հայտնվել սկանդալային պատմությունների մեջ: Հետո, ՀՀԿ-ի այսպես ասած գաղջը տարածվեց. հանրապետականները գրեթե ամեն օր վիճաբանություն ու ծեծկրտուք են ունենում տարբեր կուսակցությունների ներկայացուցիչների հետ:

Աղմկահարույց դեպքերից մեկը տեղի ունեցավ Արմավիրի մարզի Ջրառատ գյուղում: Հանրապետականները սկզբում սպառնալիք, ապա մարմնական վնասվածքներ էին հասցրել Օհանյան-Րաֆֆի-Օսկանյան դաշինքի տեղի համակիրներին: Տուժել էր նաեւ 17 ամյա մի երիտասարդ:

Սերժ Սարգսյանի կուսակից ընկերները նման հանցագործություններ իրականացրել են Ծառուկյան դաշինքի եւ նույնիսկ ՀՅԴ-ականների նկատմամբ, իսկ սա այն դեպքում, երբ Դաշնակցությունը իբր թե համարվում է գործընկեր-քաղաքական ուժ:

ՀՀԿ-ի վերնախավից՝ մինչեւ վարչապետի մակարդակով հայտարարություններ արվեցին, որ նմանատիպ դեպքերի առնչությամբ լինելու է անաչառ հետաքննություն, պատժվելու են բոլոր մեղավորները: Սակայն, հաշվի առնելով, թե օրինակ Ջրառատում ովքեր էին ներգրավված հանցագործության մեջ եւ հիմա ի՞նչ կարգավիճակ ունեն, պարզ է դառնում, որ ՀՀԿ-ն հերթական սուտն է բարձրաձայնել:

Հանրապետականի հոգեբանություն. ի՞նչ է սա: Երբեմն թվում է, թե ՀՀԿ-ականները կամ իսկապես չեն տեսնում իրենց շուրջ կատարվող օրինազանցությունները, որոնց գլխավոր մեղավորները իրենք են, կամ տեսնում են, բայց լռում են՝ ռեժիմի պատճառով:

Սյունիքի մարզի Մեղրի քաղաքում, երեք օր շարունակ, երբ հարցումներ էինք իրականացնում ընտրողների շրջանում, ծանոթանում նրանց քաղաքական հայացքներին, մեզ չէր հաջողվում գտնել մեկ հոգու, ով ներկայացնում է ՀՀԿ-ն կամ այդ կուսակցության համակիրն է: Վերջապես երբ հանդիպեցինք հանրապետական մի քաղաքացու, նրանից հետաքրքվեցինք՝ կարո՞ղ է մեկնաբանել, թե ինչու՞ Սերժ Սարգսյանի խոստումները իրականություն չեն դառնում: Հիշեցրեցինք մի քանի խոստում, որոնք կապված էին աշխատավարձերի, թոշակ-նպաստների բարձրացման հետ:

«Կբարձրանա, կբարձրանա հավատում եմ ես: Ոչինչ, որ 10 տարի է խոսք է տալիս, մի 10 տարի հետո կբարձրացնեն, ի՞նչ կըլնի: Կեցցե Սերժ Ազատիչը, Հայաստանը առաջ է տանում: Ես մանկուց հանրապետական եմ եղել, լավ էլ կուսակցությունը ռեյտինգ ունի»,- մեզ հետ զրույցում ասաց զտարյուն ՀՀԿ-ականը, բայց միեւնույն ժամանակ խնդրեց չհրապարակել անուն-ազգանունը կամ լուսանկարը:

Անդրադառնալով ՀՀԿ-ի կողմից հրահրվող ծեծկռտուքներին, դանակահարության դեպքերին՝ այս ՀՀԿ-ականից հետաքրքվեցինք, թե արդյո՞ք դատապարտում է իր կուսակիցների այս քայլը: Հիշեցրեցինք, որ օրինակ Ջրառատում՝ 17–ամյա երեխա էր վնասվածքներ ստացել:

«Կռիվ է, դա էլ կլինի: Չեմ ուզում դատապարտել իմ կուսակցությանը: Նորմալ է, որ կռվում են, վնասվում են, մեծ երկիր է, դա էլ կլինի»,- նշեց մեղրեցի այս բնակիչը:

Ահա սա է մեր երկիրը 10 տարի շարունակ կառավարող կուսակցության հոգեբանությունը: Աչք փակելով երկրում տեղի ունեցող ապօրինություններին, հաշվի չառնելով անմեղ մարդկանց վնասվածքները, արտոնություններ տալով իր կուսակից ընկերների հանցագործություններին ու բղավելով առաջընթաց եւ անվտանգություն՝ Սերժ Սարգսյանը երկիրը տանում է կործանման:

Հաշվի առնելով երկրում ստեղծված ՀՀԿ-ի ռեժիմային այս իրավիճակը՝ ՀՀ արժանապատիվ քաղաքացին ապրիլի 2-ին առաջինը աղբամանը կգցի հենց Հանրապետական կուսակցության քվեաթերթիկը: Նրա այս որոշումը սկիզբը կլինի վերջ տալու ապագայում տեղի ունեցող հանցագործություններին, որի հետեւում Հանրապետականն է կանգնած լինելու՝ Սերժ Սարգսյանի հովանավորությամբ:

Դավիթ Գասպարյան

Այս թեմայով Շարմազանովն այդպես էլ չհասկացավ, թե ինչ էր ասում դեսպանը Դուք փողը տվեք եւ մի կողմ քաշվեք, իսկ մենք ինչ կուզենք, այն էլ կանենք Ինչու ՀՀԿ-ում լարվածություն չկա ՀՀԿ-ի երազած Հայաստանն այսպիսին է (Տեսանյութ) ՀՀԿ-ում սուր պայքար է. նույն պաշտոնին երեք մարդ է հավակնում, այդ թվում Միհրան Պողոսյանը