Դատաիրավական գռեհկություն
ՀՀ երկրորդ նախագահ Ռոբերտ Քոչարյանը կմնա կալանքի տակ։ Այսօր՝ հունվարի 18–ին Երեւան քաղաքի ընդհանուր իրավասության դատարանի դատավոր Արթուր Մկրտչյանը որոշում կայացրեց բավարարել ՀՀ հատուկ քննչական ծառայության միջնորդությունը եւ եւս երկու ամիս ժամկետով երկարաձգել ՀՀ երկրորդ նախագահի կալանքի ժամկետը։
Առանց վարանելու կարելի է ասել, որ ՀՔԾ-ի եւ դատարանի այս համատեղ գործողությունը սովորական դատաիրավական գռեհկություն է, իսկ որ ամենակարեւորն է՝ մեր երկրի ամոթն ու խայտառակությունը:
Տպավորություն է, որ ինչ որ մեկը խնդիր է դրել այս օրերին, այս փուլում Ռոբերտ Քոչարյանին զրկել ազատությունից: Մեկ դատավորներն էին հրաժարական տալիս, մեկ՝ ինչ որ մեկն էր հիվանդանում, եւ կալանքի վերաբերյալ որոշումը շարունակ հետաձգվում էր:
Այսպես կոչված, համաներումից հետո երկիրը լցվել է ջեբկիրներով, բնակարանային գողերով, որոնք լուրջ գլխացավանք են դարձել մեզ համար, իսկ Արցախի հերոսը, մարդ, որը Արցախի համար ամենադժվարին փուլում ամենապատասխանատու դիրքում է եղել, մարդ, որը տասը տարի զբաղեցնելով երկրի թիվ մեկ պաշտոնը նպաստել է մեր երկրի զարգացմանն ու առաջընթացին տարօրինակ եւ կասկածելի մեղադրանքով զրկվում է ազատությունից:
Ռոբերտ Քոչարյանի նախագահության տասը տարիները տնտեսական վերելքի, կառուցված եւ նորոգված դպրոցների, մշակութային կենտրոնների, բնակելի շենքերի, մայրուղիների, քաղաքային ճանապարհների կառուցման եւ նորոգման տարիներ էին: Եւ հիմա ինչ որ տեղ խորհրդանշանական է, որ Արցախի ազատագրման եւ Հայաստանի տնտեսական վերելքի հիմնական դերակատարներից մեկը կալանավորված է:
Ինչ վերաբերում է մարտի 1-ի ողբերգությանը կամ գործին, ապա Ռոբերտ Քոչարյանը որեւէ շահագրգռություն չուներ այդ ողբերգության մեջ:
Նրանք, ովքեր կանգնած են ՀՀ երկրորդ նախագահի կալանավորման ետեւում ոչ միայն հարվածի տակ են դնում մեր երկրի անվտանգությունն ու հեղինակությունը, այլ դնում են դատաիրավական աննախադեպ ամենաթողության հիմքերը, որը չար կատակ կարող է խաղալ նաեւ հենց դրանց հեղինակների համար:
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում