Եթե սա ընտրակաշառք չէ, ապա ի՞նչ է

Միայն վերջին մեկ ամսվա ընթացքում «Գրանդ Հոլդինգը» 160 մլն դրամ է հատկացրել Տավուշի 19 համայնքի:

Ուշադրություն դարձրեք, միայն վերջին մեկ ամսվա ընթացքում:

Թվում է, թե արտառոց ոչինչ չկա, անգամ կարելի է գովել «Գրանդ Հոլդինգին», որը նույնիսկ մարդկանց բուժման ծախսերն է հոգում:

Իրականում միայն թվում է, թե ոչ մի արտառոց բան չկա:

Միքայել Վարդանյանը գյուղ առ գյուղ շրջում է, հիշեցնում բաժանած օգնության մասին եւ առաջարկում, որ գյուղացիները քվեարկեն «Գրանդ Հոլդինգ»-ի աշխատակից Գրիգոր Ավալյանի օգտին:

Մի կողմ թողնենք այն, որ Ավալյանը քաղաքականության հետ որեւէ կապ չունի, այլ կենտրոնանանք այս երեւույթի վրա, որը կոչվում է ընտրակաշառք: Սպասենք ԿԸՀ-ի մեկնաբանությանը: Ի՞նչ է սա, եթե ոչ ընտրակաշառք:

Համատարած ընտրակաշառք, իսկ համապատասխան մարմինները լռում են:

Եւ եթե «Գրանդ Հոլդինգն» այս քան բարի է, ապա թող այս բարեգործություններն աներ, առանց ժողովրդին առաջարկելու քվեարկել իր աշխատակցի օգտին:

Մի կողմում խեղճացած մարդիկ են, մյուս կողմում այս ժողովրդի հաշվին հարստացածները, որոնք ընտրություններից առաջ մի քանի դրամ են նետում դեպի այդ ժողովուրդը եւ պահանջում քվեարկել քաղաքականության հետ որեւէ կապ չունեցող մարդկանց:

ԿԸՀ-ին առաջարկում ենք դիտել կից տեսանյութը եւ տալ իր գնահատականը: Ուշադրություն ենք հրավիրում նաեւ միջազգային դիտորդներին:  

Top-News.am

Այս թեմայով Գյումրիում նախընտրել են ընտրակաշառք վերցնել, բայց մաքրություն չանել Ընտրակաշառքից հետո՝ եկեղեցի. Մեծ Պահքը ավարտվեց Ինչ է սպասվում նրանց, ովքեր պատրաստվում են ընտրակաշառք վերցնել (Տեսանյութ) Թիվ 1 ընտրական տարածքում ՀՀԿ թեկնածուներն առաջարկում են 5000 դրամ, թիվ 2-ում քվեի գինն ավելի բարձր է Ընտրակաշառք վերցնելով, անձնագրային տվյալներ տրամադրելով խոցելի եք դարձնում մեր զինվորներին