Ընտրակաշառք վերցնելով, անձնագրային տվյալներ տրամադրելով խոցելի եք դարձնում մեր զինվորներին

Այս օրերին հուզված դեմքով երիտասարդներ կամ արդեն նախկին երիտասարդներ տնետուն ընկածանձնագրային տվյալներ են հավաքում: Նրանք «ձայն բերող» տղերքն են:

Ինչ լավ է չէ, «հաց բերողին» կալանավորում ենք, իսկ «ձայն բերողներին» չնկատելու են տալիս: Իսկ նրանք մտնում են տներ, բնակարաններ, խնդրում աղաչում, որ համաձայնեն իրենց անձնագրային տվյալներ տրամադրեն: Հետո խոստանում են, որ լավ է լինելու, որ փող են բաժանելու: «Դե մի 15-20 մանեթ կտան»:

Եթե ուշադիր եք եղել, նրանք հայկական արժույթին դրամ երբեք չեն ասում, այլ նախընտրում են թուրքերեն մանեթը, որին մայեթ են ասում: Սրտի կանչն է խոսում:

Եւ ամենասարսափելին այն է, որ շատերը համաձայնում են, որ իրենց անձնագրային տվյալները տրամադրեն: Տրամադրում են ասելով՝ «մեր Արթուրին է», «մեր հարեւանն է, ոնց չտանք», «տղա է, թող փող աշխատի»:

Հազար ներողություն, բայց ոչ նրանք են փող աշխատելու, ոչ էլ նրանք, ովքեր ընտրակաշառքի ակնկալիք ունեն: Այդ փողը նույն բաժանողները, կոպիտ ասած, քթներից են հետ բերելու: Ի դեպ, շաքարավազն արդեն թանկացել է: Պատահական չի թանկացել: Ընտրակաշառքի փողը հատուկ մեքենաներով չեն տպում, այն ձեզնից են վերցնում, հետո ձեզ տալիս ու նորից ետ վերցնում, ընդ որում, ավելի շատ, քան տվել են:

Եթե դժվար չէ, ձեր հարեւանին, հարազատին, մարզերում ապրող ընկեր-ծանոթներին բացատրեք այս պարզ ճշմարտությունը: Բացատրեք, որ նույն այդ «ձեն բերող» տղերքը, երբ երկրի վիճակն ավելի վատանա, մեզնից յուրաքանչյուրինն էլ հետը, մեզ ոչնչով չեն օգնելու:

Ի դեպ, ընտրակաշառք բաժանելոով, անձնագրային տվյալներ հավաքելով, խոցելի ենք դարձնում սահմանին կանգնած մեր տղաներին: Մենք մեր ձեռքով անպաշտպան ենք դարձնում խրամատում կանգնած մեր տղերքին: Մի գնացեք հանցագործության, անձնագրային տվյալներ տրամադրելիս, ընտրակաշառք վերցնելիս եւ բաժանելիս հիշեք գիշեր եւ ցերեկ խրամատում կանգնած մեր տղերքին:Հիշեք, գուցե այդ ժամանակ սթափվեք եւ հասկանաք, որ մենք բոլորս միասին զբաղված ենք մեր երկիրը կործանելով, մեր տները քանդելով: Կանգ առեք, քանի դեռ ուշ չէ:

Գագիկ Մարտիրոսյան 

Այս թեմայով Գյումրիում նախընտրել են ընտրակաշառք վերցնել, բայց մաքրություն չանել Ընտրակաշառքից հետո՝ եկեղեցի. Մեծ Պահքը ավարտվեց Ինչ է սպասվում նրանց, ովքեր պատրաստվում են ընտրակաշառք վերցնել (Տեսանյութ) Թիվ 1 ընտրական տարածքում ՀՀԿ թեկնածուներն առաջարկում են 5000 դրամ, թիվ 2-ում քվեի գինն ավելի բարձր է Եթե սա ընտրակաշառք չէ, ապա ի՞նչ է