Թրամփը սեր է խոստովանել Ֆրանսիային՝ «դեղին բաճկոնների» կարգախոսների համար

ԱՄՆ նախագահ Դոնալդ Թրամփը սեր է խոստովանել Ֆրանսիային, որտեղ շաբաթ անցկացվում են «դեղին բաճկոններ» շարժման բողոքի ակցիաները, որոնց մասնակիցները հայտարարել են, որ նույնպիսի ղեկավար են ցանկանում: Այս մասին գրում է РИА Новости-ն՝ վկայակոչելով ամերիկացի ղեկավարի թվիթերյան էջը:

«Փարիզյան համաձայնագիրն այնքան էլ լավ չի գործում Փարիզի համար: Բողոքի ցույցեր և անկարգություններ ողջ Ֆրանսիայով մեկ: Մարդիկ չեն ցանկանում ավելի մեծ գումարներ վճարել, հիմնականում, երրորդ աշխարհի երկրներին՝ պահպանելու համար շրջական միջավայրը: Բացականչում են. «Ցանկանում ենք Թրամփին», սիրում եմ Ֆրանսիան», - գրել է ԱՄՆ ղեկավարը:

Very sad day & night in Paris. Maybe it’s time to end the ridiculous and extremely expensive Paris Agreement and return money back to the people in the form of lower taxes? The U.S. was way ahead of the curve on that and the only major country where emissions went down last year!
— Donald J. Trump (@realDonaldTrump) 8 декабря 2018 г.

Թրամփն ավելի վաղ հանդես էր եկել հայտարարությամբ՝ ասելով, որ Ֆրանսիայում բենզինի գնի թանկացման դեմ անցկացվող զանգվածային ցույցերն ապացուցում են, որ ԱՄՆ-ը ճիշտ էր, երբ դուրս եկավ Կլիմայական փոփոխությունների մասին փարիզյան համաձայնագրից:

Հիշեցնենք, որ այսօր Ֆրանսիայում արդեն 4-րդ շաբաթ օրն է, ինչ զանգվածային ցույցեր են անցկացվում:

Այսօր ոստիկանների հետ տեղի ունեցած բախումների ժամանակ ձերբակալվածների թիվը հասել է 700-ի: Ընդհանուր առմամբ, 31 000 մարդ է դուրս եկել փողոց:

Այս թեմայով