Միջազգային լրատվամիջոցների արձագանքը Նիդեռլանդներից հայ ընտանիքի ատաքսման որոշմանը (լուսանկարներ)

Արդեն մեկ ամիս հոլանդական Հաագա քաղաքի բողոքական եկեղեցում անդադար աղոթքներ են հնչում ու քսանչորսժամյա հոգևոր ծառայություն մատուցվում՝ փորձելով կանխել հայազգի ընտանիքի արտաքսումը երկրից: Այդ մասին գրում է dutchreview.com-ը՝ նշելով, որ եկեղեցին փորձում է պաշտպանել հայ փախստականների ընտանիքին, որը քաղաքական հետապնդումների պատճառով 2009թ. Հայաստանից Նիդեռլանդներ էր փախել:

Աղբյուրը մանրամասնում է, որ ընտանիքին օգնելու համար աշխարհի տարբեր անկյուններից եկած հոգևորականները հերթափոխով աղոթքներ են անում «ԲեթԷլ» եկեղեցում:

Շուրջօրյա հոգևոր ծառայությունն անհրաժեշտ է այն առումով, որ ըստ Նիդեռլանդներում գործող օրենքի՝ ոստիկանության ներկայացուցիչներն իրավունք չունեն հոգևոր ծառայության ընթացքի ժամանակ եկեղեցի մուտք գործել:

Euronews-ի տեղեկությամբ՝ Սասուն և Անուշ Թամրազյաններն ու նրանց երեք երեխաներն այժմ ապաստանել են եկեղեցում:

Հայտնի է, որ Թամրազյանների արտագաղթի պատճառը եղել է ընտանիքի հոր՝ Հայաստանում ծավալած քաղաքական ակտիվիզմը, որի համար, ըստ նրա, նա մահվան սպառնալիքներ է ստացել:

Սեպտեմբերի կեսերին ընտանիքը տեղեկացել է, որ իշխանությունները պատրաստվում են իրենց արտաքսել: Շուտով նրանք ժամանակավոր ապաստարանի կենտրոնից տեղափոխվել են եկեղեցի:

 «Մենք լիահույս ենք, որ ընտանիքին թույլ կտրվի մնալ Նիդեռլանդներում: Դրա համար կա երկու պատճառ. շատ մեծ է հավանականությունը, որ ընտանիքի հորը Հայաստանում կսպանեն: Ինչ վերաբերում է երեխաներին, ապա նրանք այստեղ են ապրում արդեն ինը տարի ու հիմնավորվել են այստեղ»,-ասել է քահանա Աքսել Ուիքը՝ ընդգծելով, որ շուրջօրյա աղոթքները չեն դադարելու, քանի դեռ հարցը չի լուծվել:

 Հատկանշական է, որ եկեղեցու նախաձեռնությունը ողջունվել է ոչ միայն հոգևոր աշխարհի ներկայացուցիչների ու հավատացյալների, այլև աշխարհի տարբեր երկրներում բնակվող շարքային քաղաքացիների կողմից:

christiantoday.com կայքը հավելում է, որ Նիդեռլանդներում գործող օրենքի համաձայն՝ երեխաների հետ ավելի քան հինգ տարի երկրում բնակված ներգաղթյալներին այլևս չեն արտաքսում: Սակայն Թամրազյանների պարագայում օրենքը չի գործել:

qz.com-ը նկատում է, որ Թամրազյանների օգնության աղերսը բարդ դրության մեջ է դրել եկեղեցու ղեկավարությանը՝ ստիպելով ընտրություն կատարել մարդու արժանապատվության ու կառավարության նկատմամբ հարգանքի միջև:

Եկեղեցում հույս են հայտնել, որ միգրացիայի հարցերով նախարար Մարկ Հարբերսը Թամրազյաններին թույլ կտա մնալ Նիդեռլանդներում:

rt.com-ը գրում է, որ անցած մեկ ամսում Թամրազյաններին այցելության են եկել բազմաթիվ մարդիկ՝ ընտանիքին ապահովելով սննդով ու այլ անհրաժեշտ ապրանքներով:

Մինչդեռ շուրջօրյա աղոթքներին մասնակցող կամավոր հոգևորականների թիվը գերազանցում է 300-ը:

Հայտնի է, որ վերջին տարիներին Նիդեռլանդները քննադատության թիրախում է հայտնվել ապաստանի տրամադրման հարցերում խիստ կանոններ սահմանելու համար:

Հավելենք, որ այս պատմությանն անդրադարձել են նաև CBC-ն ու The Huffington Post-ը:

8 черт во внешности женщин, от которых мужчины теряют голову

12 женских привычек, которые ужасно раздражают мужчин

Самые жуткие животные на планете
ԼՐԱՀՈՍ • ՕՐՎԱ