-10,1. Մոսկվայում գրանցվել է այս աշնան ամենացուրտ գիշերը

Անցյալ գիշերը Ռուսաստանի Դաշնության Մոսկվայի մարզի համար ամենացուրտն է դարձել այս աշնան սկզբից ի վեր, գրում է moslenta.ru-ն:

«Ֆոբոս» եղանակային կանխատեսումների կենտրոնի մասնագետները մանրամասնել են, որ այս առավոտ՝ տեղական ժամանակով ժամը 7-ի սահմաններում, ՌԴ մայրաքաղաքում գրանցվել է -10,1 աստիճան, ինչն այս սեզոնում առաջին դեպքն է, երբ բացասական ջերմաստիճանը հասնում է երկնիշ թվերի:

Հիդրոօդերևութաբանական կենտրոնից հայտնել են, որ այս տարվա դեկտեմբեր ամիսը կարող է դառնալ վերջին տարիների ամենացուրտ դեկտեմբերներից մեկը:

Կանխատեսվել է, որ առաջիկա օրերին ջերմաստիճանը Մոսկվայում կարող է նվազել մինչև -16 աստիճան, ինչը, ըստ օդերևութաբանների, 5-6 աստիճանով ցածր է վերջին տարիների դեկտեմբերյան միջին ցուցանիշներից: