Ավելի քան 1 մլն դոլար. Մերիլին Մոնրոյի 24 կարատանոց դեղին ադամանդով մանյակը վաճառվել է աճուրդում

20-րդ դարի ամենագեղեցիկ կանանցից մեկի՝ դերասանուհի Մերիլին Մոնրոյի կրած 24,04 կարատանոց հազվագյուտ դեղին ադամանդով մանյակը հանվել է աճուրդի ու վաճառվել 1,6 մլն դոլարով:

Christie's-ի աճուրդը կայացել է Հոնկոնգում:

Ինչպես նշում է Daily Mail-ը, աստղային շիկահերն այն կրել է 1953թ. «Ջենթլմենները նախընտրում են շիկահերներին» ֆիլմի պրեմիերայի ժամանակ:

Անթերի ադամանդը հայտնաբերվել է Հնդկաստանի Հայդերաբադ քաղաքի արվարձաններից մեկում գտնվող հանքում ու կոչվում է «Բարոդայի լուսինը»:

Թանկարժեք նմուշը Հայդերաբադում իշխող Բարոդաների ազդեցիկ տոհմից 1950թ. գնել է Մեյեր Ռոզենբաումը, որն էլ այն տվել է Մոնրոյին՝ ֆիլմի պրեմիերային կրելու համար:

Նմուշը 28 տարի առաջ աճուրդի էր հանվել Christie’s-ի կողմից՝ վաճառվելով 297.000 դոլարով:

Հետաքրքրական է, որ Christie’s-ը դրա հետ նաև շքեղ մանյակը կրող Մոնրոյի օրիգինալ լուսանկարն է տրամադրել: