«Միսիս Շոտլանդիա»-ին զրկել են տիտղոսից՝ 20 տարեկանում տղամարդկանց ամսագրի համար «անկեղծ» լուսանկարի պատճառով
«Միսիս Շոտլանդիա» գեղեցկության մրցույթի հաղթող Նատալի Պավելեքը զրկվել է տիտղոսից` տարիներ առաջ տղամարդկանց ամսագրի շապիկին կիսամերկ «հայտնվելու» պատճառով, գրում է The Sun-ը:
35-ամյա Նատալին իր համարձակ լուսանկարով հայտնվել էր ամսագրի շապիկին, երբ ընդամենը 20 տարեկան էր: Անհայտ աղբյուրը տեղեկացրել է այս մասին մրցույթի կազմակերպիչներին, որոնք էլ որոշել են զրկել հաղթող գեղեցկուհուն մրցանակից:
«Ինձ համար այս մրցույթը հնարավորություն էր ապացուցելու, որ կինը կարող է հասնել ամեն ինչի՝ անկախ այն պիտակներից, որոնք միշտ վերագրում են իրեն: Եվ ես երբեք չեմ թաքցրել իմ մոդելային անցյալը: Ես հպարտ եմ նրանով, ինչի հասել եմ», - նշել է Պավելեքը:
Ի վերջո, մրցանակը բաժին է հասել երկրորդ տեղում հայտնված Ալանա Ստոթթին, որն ամուսնացած է Մեծ Բրիտանիայի արքայազն Հարիի մտերիմ ընկեր, նախկին հատուկջոկատային զինվորականի հետ:
«Ես հայտնվել եմ աշխարհում ամենավաճառվող տղամարդկանց ամսագրի շապիկին և հաղթել Մեծ Բրիտանիայի ամենահայտնի գեղեցկության մրցույթներից մեկը: Եվ այդ ընտրությունը, որ ես կատարել եմ 20 տարեկանում, օգնել է ինձ լինել այն, ինչ ես կամ այժմ», - ասել է գեղեցկուհին:
Մրցույթի կազմակերպիչները բացատրել են, որ Նատալին զրկվել է տիտղոսից ոչ թե անկեղծ լուսանկարի, այլ այդ փաստը թաքցնելու համար:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Իրանում պատերազմը Հնդկաստանին կանգնեցրել է գազային ճգնաժամի առաջ
Տավուշում ոչ մի գազատար չի կառուցվել, նման գործընթաց չկա. մարզպետ
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Հայ-վրացական գազատարը Հայաստանի խնդրանքով կտեղափոխվի
«Վարդաշեն» քրեակատարողական հիմնարկից դատապարտյալ է փախել