Կողոպտել են նախկին վարչապետի տիկնոջը

Կիեւում կողոպտել են Ուկրաինայի նախկին վարչապետ Անատոլի Կինախի կնոջը՝ Մարինա Կինախին։ Այս մասին իր թվիթերյան էջում գրել է տիկին Կինախը։ Կողոպուտը տեղի է ունեցել Կիեւի կենտրոնական հանրախանութի մոտ։ Ըստ հայտարարության, կողոպտել են նախկին վարչապետի տիկնոջ մեքենան, տարել են սեւ պայուսակ արժեքավոր իրերով եւ այլ թանկարժեք իրեր ու դրամ։ Կիեւի ոստիկանությունը հաստատել է կողոպուտի դեպքի իսկությունը։ Դեպքի վայր են ժամանել իրավապահները։ Դիտարկվել են տարածքի տեսահսկման սարքերը՝ կողոպտիչների ինքնությունը նույնականացնելու համար։ Հարուցվել է քրեական գործ դեպքի առնչությամբ։