Իրավապաշտպանները խնդրել են ձերբակալել Սաուդյան Արաբիայի արքայազնին

Ամերիկյան Human Rights Watch իրավապաշտպան կազմակերպությունը դիմել է Արգենտինայի իշխանություններին՝ Սաուդյան Արաբիայի արքայազն Մոհամմեդ բին Սալմանին ձերբակալելու խնդրագրով: Նա նոյեմբերի 30-ին Բուենոս-Այրեսում մասնակցելու է G20-ի գագաթնաժողովին:

Clarin պարբերականի փոխանցմամբ՝ խնդրագիրն ուղարկվել է դատավոր Արիել Լիխոյին, որում իրավապաշտպանները նշում են Սաուդյան Արաբիայի արքայազնի հնարավոր առնչության մասին ընդդիմադիր լրագրող Ջամալ Խաշոգջիի սպանության և Եմենում հնարավոր ռազմական հանցագործությունների կազմակերպման գործում:

Արգենտինացի դատավորը հարցումն ուղարկել է երկրի Գլխավոր դատախազություն՝ պարզելու՝ արդյոք այդ գործը կարող է լինել Արգենտինայի իրավասության ներքո, թե ոչ: Միևնույն ժամանակ, պարբերականի աղբյուրները քիչ հավանական են համարել, որ Արգենտինայի դատական իշխանությունները կբավարարեն իրավապաշտպանների հարցո