Գողին ոստիկանական հետապնդման ժամանակ հարվածել է իր իսկ ավտոմեքենան (Տեսանյութ)

31-ամյա ամերիկացին, ով ավտոմեքենաներից գողություն էր անում, փախչելով ոստիկանների հետապնդումից, ընկել է իր սեփական մեքենայի տակ եւ ոտքի կոտրվածքով հայտնվել հիվանդանոցում՝ տեղեկացնում է Vesti-ն։

Այս դեպքը տեղի է ունեցել Օրեգոնա նահանգում Հեփի Վոլեյ քաղաքի մոտ, որտեղից բողոքներ էին ստացվել, թե մի երիտասարդ փորձում է բացել ավտոմեքենաները։ Ականատեսների շնորհիվ ոստիկանները շուտով գտել են կայանած Honda Accord-ը, որի ղեկին նստած է եղել Իսայա Ջոն Հելաթլին։

Ոստիկաններին տեսնելով՝ նա միանգամից գործի է գցել ավտոմեքենան եւ փորձել է փախչել, սակայն իրավապահները փակել են նրա ճանապարհը։ Այդ ժամանակ երիտասարդը դուրս է եկել եւ սկսել է վազել, բայց իր մեքենային անցնելու փորձի ժամանակ ընկել է նրա անիվների տակ։ Ինքնուրույն շարժվել եւ, իհարկե, փախչել նա այլեւս չէր կարող, քանի որ կոտրվածք էր ստացել։ Հելաթլին հիվանդանոցից ուղիղ բանտ կգնա։