Էլինար Վարդանյան. «Այս ընտրությունները յուրահատուկ են լարվածությամբ»
Նախօրեին Արմավիրի մարզի Ջրառատ գյուղում «Օհանյան-Րաֆֆի-Օսկանյան» դաշինքի համակրի հետ տեղի ունեցած միջադեպի առնչությամբ «Ազատությունը» զրուցել է «Համախմբում» կուսակցության փոխնախագահ, դաշինքի անդամ Էլինար Վարդանյանի հետ։
Վարդանյան. - Ըստ մեզ հասած տվյալների՝ այո՛, կրակոց է եղել, հետագայում փորձել են վնասազերծել կրակողին և զենքը հանձնել են ոստիկանությանը։
«Ազատություն». - Այսինքն՝ փոխոստիկանապետ Երանոսյանի բարեկամները, ով Ջրառատ գյուղի գյուղապետն է, նրա կողմնակիցները կրակել են ձեր համակիրների ուղղությամբ, ճի՞շտ եմ հասկանում։
Վարդանյան. - Այո՛, այնքանով, որքանով մենք տիրապետում ենք տեղեկատվությանը, գյուղապետի կողմնակիցները կրակել են մեր համակիրների ուղղությամբ։
«Ազատություն». - Եվ սա ի՞նչ է նշանակում։ Ընտրություններին ընդառաջ՝ ի՞նչ գնահատական կտաք այս իրավիճակին։ Տեղյա՞կ եք նաև, որ բռնությունների այլ դեպքեր են տեղի ունեցել Արարատի, Արագածոտնի մարզերում։
Վարդանյան. - Այո՛, ես, իհարկե, գիտեմ, որ սովորաբար մեզ մոտ ընտրությունները խաղաղ միջավայրում, խաղաղ մթնոլորտում չեն ընթանում, բայց այս ընտրությունները յուրահատուկ են լարվածությամբ, և թերևս յուրաքանչյուր միջադեպ այդ մասին է վկայում։ Ավելին՝ այս դեպքը խոսում է այն մասին, որ գյուղապետը, որն ի պաշտոնե պարտավոր է ապահովել նախընտրական քարոզչության ընթացքում համայնքը, համայնքի անվտանգությունը, որովհետև իր համայնքում են անցկացվում հանդիպումները, ինքն է հրահրում, փաստորեն, միջադեպեր, ինքն է հրահրում ավելորդ լարվածություն։
«Ազատություն». - Ո՞րն է նպատակը։
Վարդանյան. - Թերևս, ես կարծում եմ, որ ճիշտ կլինի հարցնել հենց գյուղապետին։
«Ազատություն». - Դուք ի՞նչ եք կարծում։
Վարդանյան. - Գիտե՞ք, սա իշխանություններին շատ հաճախ բնորոշ մեթոդ է, հաշվի առնենք այն հանգամանքը, որ գյուղապետը, վերջին հաշվով, ՀՀԿ-ական է, և մի կողմ եթե թողնենք կուսակցական պատկանելությունը, այստեղ շատ կարևոր է, որ նա հանդես է գալիս համայնքի ղեկավար, և որպես համայնքի ղեկավար՝ նա պարզապես իրավունք չուներ հրահրել նման միջադեպ։
«Ազատություն». - Ինչպե՞ս կգնահատեք այն հանգամանքը, որ, փաստորեն, միայն ձեր կողմնակիցներին են բերման ենթարկել, մինչդեռ դուք պնդում եք, որ գյուղապետի կողմնակիցներն են հրազեն կիրառել ձեր համակիրների նկատմամբ։
Վարդանյան. - Ես պետք է նշեմ, որ ոստիկանությունում ինքներս այդ հարցը բարձրացրեցինք, և մեզ վստահեցրեցին, որ իրականացվելու է բազմակողմանի և օբյեկտիվ քննություն, և միջադեպին առնչություն ունեցող ցանկացած ոք անցնելու է քննությունով։ Հետևաբար, ես կփորձեմ այս պահին ձեռնպահ մնալ և սպասել քննության ընթացքին՝ արդյոք պահպանո՞ւմ են իրենց խոստումը, արդյոք քննությունն ընթանալո՞ւ է բազմակողմանի և ամբողջությամբ, և իրո՞ք ներգրավվելու են միջադեպի բոլոր մասնակիցները։
Մանրամասն՝ «Ազատությունում»
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում