Այս այցով չեմ եկել ԼՂ խնդրի կարգավորման հարցում նոր լուծումներ առաջարկելու. Ջոն Բոլթոն
«Լեռնային Ղարաբաղի խնդրի լուծումը բարդ է, եթե հեշտ լիներ, արդեն վաղուց կարգավորված կլիներ այդ հարցը։ Ես այս այցով չեմ եկել ամերիկյան քաղաքականության մեջ փոփոխություն ազդարարելու կամ նոր լուծումներ առաջարկելու։ Անշուշտ, կողմերը պետք է աշխատեն միմյանց հետ և ի վերջո, պետք է կարողանան գտնել լուծումը», - այսօր Երևանում հրավիրված մամուլի ասուլիսի ժամանակ հայտարարեց ԱՄՆ նախագահի Ազգային անվտանգության հարցերով խորհրդական Ջոն Բոլթոնը։
Նա հիշեցրեց, իր նախկին վերադասներից մեկը՝ Ջիմ Բեյքերը, մեկ այլ երկարատև հակամարտության հետ կապված հետևյալ խոսքն էր ասել. «Երևի ոչ-ոք ավելի շատ խաղաղություն չի ուզում, քան իրենք՝ կողմերը»։
Բոլթոնի խոսքով՝ Հայաստանի համար արտաքին ճնշումները նվազեցնելու ամենավստահ ուղին ԼՂ հակամարտության լուծման ապահովումն է։
«Ազատության աջակցության ակտի» 907-րդ ուղմման և Ադրբեջանին զենք վաճառելու մասին վերաբերող հարցին Բոլթոնը պատասխանեց. «Այս պահին դեռևս որոշում կայացված չէ և չեմ կարող կանխատեսել, թե ինչպիսին կլինի որոշումը զենքի վաճառքն ավելացնելու վերաբերյալ։ Բայց իրավիճակն այսպիսին է՝ Հայաստանն իր զենքի մեծամասնությունը ձեռք է բերում Ռուսաստանից, Ադրբեջանը նույնպես իր զենքի 80 տոկոսը ձեռք է բերում Ռուսաստանից։ Այս հանգամանքն անշուշտ չի նպաստում հակամարտության կարգավորմանը, քանզի դա Ռուսաստանին կողմերի նկատմամբ մեծ ազդեցության լծակ է տալիս և խաղաղության չի բերում։ Մենք ամերիկացիներ ենք, մենք հավատում ենք մրցակցությանը՝ որպես բարելավման շարժիչ ուժ։ Մեր զենքն ու զինամթերքն այս պարագայում ավելի լավն է, քան ռուսականը։ Կարծում եմ, սա մենք պետք է քննության առնենք, դիտարկենք մեր օրենքների շրջանակում», - ասաց նա:
Նա նշեց, որ եթե դեկտեմբերին կայանալիք արտահերթ խորհրդարանական ընտրություններում Նիկոլ Փաշինյանի ղեկավարած կուսակցությունը ստանա մանդատ, դա լավ հնարավորություն կլինի, որպեսզի Լեռնային Ղարաբաղի հակամարտության կարգավորման հարցում ավելի վճռական և որոշիչ քայլերի ձեռնամուխ լինեն. «Եթե պատրաստակամությունը լինի, մենք պետք է աշխատենք, որպեսզի Ադրբեջանի կողմից նույնպես նույն կերպ արձագանք լինի»:
Հայաստանի կողմից Սիրիա ուղարկված հումանիտար աջակցությանը վերաբերող հարցին նա պատասխանեց, որ այսօրվա հանդիպումների ընթացքում այդ հարցին անդրադարձ կատարել են։
«ԱՄՆ-ն նույնպես մարդասիրական աջակցություն ցուցաբերում է, և այն պետք է քաղաքական հարաբերությունների վրա իր ազդեցությունը չունենա՝ մի կողմից ռեժիմի մասով, մյուս կողմից՝ ահաբեկիչների։ Լայնածավալ մարդասիրական աջակցությունն այստեղ իրականացվում է», - ասաց Բոլթոնը։
Բոլթոնը նշեց, որ հանդիպման ընթացքում ՀՀ նախագահն ասել է՝ օգնությունը լինելու է մարդասիրական աջակցության տեսքով և ռազմական ուղղվածություն չի ունենալու։
«Ցանկացած երկրի, ցանկացած կողմի համար սխալ կլինի, եթե ռազմական ներգրավվածություն ունենա։ Այս պահին արդեն իսկ 7-8 մարտնչող կողմ կա և այլ երկրի համար այնտեղ որպես կողմ ներգրավվելը, կարծում եմ, սխալ է», - հացելեց Ջոն Բոլթոնը։
Նշենք, որ այսօր Անվտանգության խորհրդի գրասենյակում կայացել է ՀՀ անվտանգության խորհրդի քարտուղար Արմեն Գրիգորյանի, պաշտպանության նախարարի պաշտոնակատար Դավիթ Տոնոյանի և արտաքին գործերի նախարարի պաշտոնակատար Զոհրաբ Մնացականյանի հանդիպումը ԱՄՆ նախագահի Ազգային անվտանգության հարցերով խորհրդական Ջոն Բոլթոնի հետ։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...