Մոսկվան նպատակաուղղված է Ղարաբաղյան հակամարտության խաղաղ կարգավորմանը. Կարասին
Ռուսաստանը շարունակում է Ղարաբաղյան հակամարտության խաղաղ կարգավորման հարցում սերտորեն համագործակցել ԵԱՀԿ Մինսկի խմբի համանախագահ մյուս երկրներ Ֆրանսիայի և ԱՄՆ-ի հետ: Այդ մասին «Известия» թերթին տված հարցազրույցում հայտարարել է Ռուսաստանի փոխարտգործնախարար Գրիգորի Կարասինը:
«Գոյություն ունի միայն մեկ իրատեսական հեռանկար՝ բանակցությունների միջոցով հակամարտության խաղաղ կարգավորում: Անվտանգության, կայունության և զարգացման հարցում ադրբեջանցի և հայ ժողովուրդների կենսական շահագրգռվածությունը բանակցային գործընթացի հիմքն ու քաղաքական շարժիչն են, որին Ռուսաստանն ամեն կերպ աջակցում է»,- հայտարարել է Կարասինը:
Նա հիշեցրել է, որ Ռուսաստանը՝ որպես ԵԱՀԿ Մինսկի խմբի համանախագահ երկիր, սերտորեն համագործակցում է եռյակի մյուս անդամների հետ: Նրա խոսքով՝ Ռուսաստանը ձգտում է անել հնարավոր ամեն բան ԵԱՀԿ ՄԽ համանախագահների ընդհանուր գծի համաձայն և ԼՂ հակամարտության վերաբերյալ ընդունված որոշումների շրջանակում խաղաղ պայմանավորվածությունների մշակման հարցում հակամարտության կողմերին աջակցելու համար:
«Մեր այդ դիրքորոշումն անփոփոխ է: Այն արձանագրված է Ռուսաստանի Դաշնության արտաքին քաղաքականության հայեցակարգում և հաստատվել է երկու երկրների ղեկավարների հետ Վլադիմիր Պուտինի վերջին հանդիպումների ժամանակ»,- ասել է Կարասինը:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...