Ադրբեջանում ԱՄՆ դեսպանի թեկնածուն պատրաստ է նպաստել ղարաբաղյան հակամարտության կարգավորմանը
Ադրբեջանում ԱՄՆ դեսպանի թեկնածու Էրլ Լիցենբերգերը խոստանում է ջանքեր ներդնել Լեռնային Ղարաբաղի հակամարտության կարգավորմանը հասնելու համար:
ԱՄՆ Սենատում աղբյուրին վկայակոչելով՝ Turan-ը հայտնում է, որ Սենատի արտասահմանյան գործերով կոմիտեն պատրաստ է Ադրբեջանում դեսպանի պաշտոնում Էրլ Լիցենբերգերին աջակցել: Հոկտեմբերի 4-ին լսումների ժամանակ Լիցենբերգերին հարցեր են տրվել Ադրբեջանում մարդու իրավունքների վատթարացման եւ Վաշինգթոնի հետ անվտանգության հարցերում Բաքվի համագործակցության մասին:
«Միացյալ Նահանգները պետք է նաեւ շարունակի Ադրբեջանի հետ սերտ համագործակցել ժողովրդավարական եւ հրապարակային տնտեսական սկզբունքների առաջմղման հարցում՝ օրենքի գերակայության, թափանցիկության եւ մարդու իրավունքների պաշտպանության միջոցով: Այս բարեփոխումների անցկացումը բխում է Ադրբեջանի շահերից ինչպես երկարաժամկետ կայունության ապահովման, այնպես էլ նրա քաղաքացիների եւ տնտեսության ներուժի համար: «Ժողովրդավարությունները միայն այն ժամանակ են ծաղկում, երբ այն աջակցում են անկախ դատական համակարգը, օրենքի գերակայությունը, ազատ մթնոլորտը, եռանդուն քաղաքացիական հասարակությունը, պլյուրալիզմը, ժողովրդավարական ընտրական գործընթացները եւ մարդու իրավունքների ու ազատությունների հանդեպ հարգանքը»,- հայտարարել է Լիցենբերգերը: Նա հիշեցրել է, որ Ադրբեջանն արդեն իսկ ԱՄՆ-ի համար նշանակալի արտահանման շուկա է՝ օդանավերի, գյուղատնտեսական սարքավորումների, մեքենաների եւ այլ պարանքների ու ծառայությունների:
«Անվտանգ եւ բարգավաճող Հարավային Կովկասի համար չկա ավելի մեծ առաջնահերթություն, քան Լեռնային Ղարաբաղի հակամարտության կարգավորումը: Որպես ԵԱՀԿ Մինսկի խմբի համանախագահող երկիր ԱՄՆ-ն շարունակում է բոլոր կողմերի հետ աշխատել հակամարտության կարգավորման խաղաղ, երկարաժամկետ բանակցությունների հասնելու համար՝ ՄԱԿ Կանոնադրության եւ Հելսինկյան եզրափակիչ ակտի, ներառյալ ուժի կամ ուժի սպառնալիքների չկիրառման, տարածքային ամբողջականության եւ ժողովուրդների հավասար իրավունքների ու ինքնորոշման սկզբունքների հիման վրա: Եթե իմ նշանակումը հաստատվի, ես կաջակցեմ վարչակազմի պարտավորություններին այս նպատակին հասնելու համար»,- հայտարարել է Լիցենբերգերը:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Երթևեկության կազմակերպման փոփոխություն՝ Վարդանանց փողոցում
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Սպիտակ տունը գործարկել է Trump TV-ն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Փոխվում է Գերմանիայի քաղաքական քարտեզը