«Հայկական հողում ոչ մի վախ չկա». հայտնի ռուս բլոգերը պատմել է Արցախ կատարած այցի մասին
Հայտնի ռուս ճանապարհորդուհի, բլոգեր Նատալյա Անոխինան իր ֆեյսբուքյան էջում պատմել է Արցախ կատարած այցի մասին:
«Ոչ մի վախ Ղարաբաղի հողում» խորագրով անդրադարձում հեղինակը նշել է, որ Արցախում առաջին անգամ եղել էր 3 տարի առաջ, իսկ այս անգամ որոշել է ճանապարհորդել Իսրայելից, Հունգարիայից, Իտալիայից և մի շարք այլ երկրներից բլոգերների հետ:
«Նրանց, ովքեր մտածում են, թե Լեռնային Ղարաբաղում մինչև հիմա պատերազմ է ընթանում, կասեմ, որ արդեն վաղուց այնտեղ պատերազմ չկա՝ չնայած ժամանակ առ ժամանակ Ադրբեջանի հետ փոխհրաձգություն է տեղի ունենում: Բայց զբոսաշրջիկներին, միևնույն է, թույլ չեն տալիս մուտք գործել սահմանամերձ գոտիներ»,-նշել է Անոխինան:
Բլոգերը նկատել է, որ վերջին երեք տարում Արցախը դեպի լավն է փոխվել ու բարեկարգվել է: Անոխինան ընդգծել է, որ այժմ այստեղ զբոսաշրջիկներ են ժամանում ոչ միայն Ռուսաստանից, այլև աշխարհի ամենատարբեր անկյուններից՝ Հարավային Կորեայից, Սինգապուրից, Ճապոնիայից և այլ երկրներից:
«Միայն Սոթքի լեռնանցքն ամեն ինչ արժե: Երբ հիշում եմ, թե ինչպես էինք նախորդ անգամ գիշերով այնտեղով անցնում…գիշեր, ցեխոտ ճանապարհ, անձրև, մեքենայի անիվները գրեթե կախված էին անդունդի վրա: Իսկ հիմա այնտեղ հրաշալի ասֆալտապատ ճանապարհ է: Շուշին ևս զգալի կերպարանափոխվել է, պատերազմի ավերածությունների հետքերը գնալով ավելի են քչանում: Մյուս փոքրիկ քաղաքները, որտեղ մենք եղել ենք, ևս դրական տպավորություն են գործել: Երբ համեմատում եմ նախորդ ու վերջին այցերս, ապշում եմ՝ ինչ արագությամբ են այստեղ ամեն ինչ կառուցում ու վերանորոգում: Դա ուղղակի ապշելու է: Նույնիսկ մեր քաղաքապետ Սոբյանինը (Մոսկվայի քաղաքապետ Սերգեյ Սոբյանին-tert.am), որը կառուցապատման սիրահար է, այստեղ մրցակցությունից դուրս է»,-պատմել է բլոգերը՝ հավելելով, որ Արցախը, իհարկե, դեռևս զարգանալու տեղ ունի:
Հայտնի է, որ Անոխինան ու իր օտարերկրացի գործընկերներն Արցախում 4 օր են անցկացրել՝ այցելելով Շուշի, Ստեփանակերտ, Տիգրանակերտ, ինչպես նաև Ամարասի վանք, Գանձասարի ու Դադիվանքի վանական համալիրներ:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...